మంచి చేస్తే….పేరు చెప్పుకుంటారు
దొంగల పేర్లు ఎవరైనా చెప్పుకుంటారా
దొంగ పనులు చేసి సిఏం అయిండు
నాకు తిట్లు వచ్చు…సంస్కారం అడ్డు వస్తుంది
(హైదరాబాద్,న్యూస్ఇన్)
వచ్చే ఎన్నికల్లో కోడంగల్ లో రేవంత్ రెడ్డిని గెలువనీయకుండా చూసే బాధ్యత మేము తీసుకుంటామని బీఆర్ఎస్ వర్కింగ్ ప్రెసిడెంట్ కేటిఆర్ అన్నారు. సీఎంగా ఉంటూ ఆయన మాట్లాడుతున్న బాష చూసి చెప్పుతో కొట్టాలని ఉందని కానీ ప్రజా స్వామ్య విలువలు అడ్డువస్తాయన్నారు. కేసిఆర్ అడిగే ప్రశ్నలకు సమాధానం చెప్పకుండా బూతు పురాణాం అందుకోవడం విడ్డూరంగా ఉందన్నారు. తెలంగాణా భవన్ లో శేరిలింగంపల్లి నియోజకవర్గ కార్యకర్తల సమావేశంలో సీఎం రేవంత్ రెడ్డిపై కేటిఆర్ ఆగ్రహం వ్యక్తం చేశారు.కాంగ్రెస్ ఇచ్చిన హామీలు అమలు చేయమంటే వ్యక్తి గతంగా టార్గెట్ చేస్తుండడం ఎంత వరకు సమంజసమని ప్రశ్నించారు.
ప్రజాస్వామ్యం లేకపోతే ఎడమకాలి చెప్పుతో కొట్టేవాడిని
రేవంత్ రెడ్డి గారు, మిమ్మల్ని వ్యక్తిగతంగా తిట్టాలని నాకు లేదు. కానీ, తెలంగాణ తెచ్చిన నాయకుడిని, రెండు సార్లు ప్రజలు గెలిపించిన ముఖ్యమంత్రిని, నా తండ్రిని మీరు తిడుతుంటే ఒక కొడుకుగా నాకు ఆవేశం రాదా?కేసీఆర్ రోజు తిడుతూనే ఉన్నాడు. ఒకరోజు చనిపోవాలనుకుంటాడు, ఒకరోజు కాలు విరిగింది అంటాడు, ఇంకోరోజు ఇంకేదో అంటారు. మీ భాష చూస్తుంటే దొరికితే ఎడమ కాలి చెప్పు తీసుకుని కొట్టాలని ఉంది. కానీ ఏం చేయాలి? మనం ప్రజాస్వామ్యంలో ఉన్నాము కాబట్టి కుర్చీకి ఇచ్చే గౌరవంతో ఊరుకుంటున్నాం. కనకపు సింహాసనంపై శునకాన్ని కూర్చుండబెట్టినట్టు ఉంది నేటి పరిస్థితి” అని కేటీఆర్ ఘాటుగా విమర్శించారు.
దొంగ పనులు చేసి సిఏం అయిండు
రోడ్ల మీద పెయింటింగ్స్ వేసుకునే రేవంత్ రెడ్డి ఎక్కడి నుంచి ఎక్కడికి వచ్చారో ఆలోచించుకోండి. జీవితంలో చిన్న స్థాయి నుంచి పెద్ద స్థాయికి రావడం తప్పు కాదు, కానీ అది మంచి పనులతో రావాలి. లంగ పనులు, దొంగ పనులు చేసి, బ్యాగులు మోసి, సంచులు మోసి, జైలుకు వెళ్లి రావడం గొప్ప విషయం అన్నట్టు పోజులు కొడుతున్నారు. ఢిల్లీలో పైసలు ఇచ్చి ముఖ్యమంత్రి పదవి తెచ్చుకున్నావు, ఇప్పుడు కూడా నెల నెలా ఢిల్లీకి పైసలు పంపిస్తూ పదవి కాపాడుకుంటున్నావు” అని ఎద్దేవా చేశారు. రేవంత్ రెడ్డికి పిచ్చి రోజురోజుకీ ముదురుతోందని, ఆయన భార్య గీతమ్మ గారు ఆయన్ని వెంటనే కట్టేయాలని, లేకపోతే ఎవరినైనా కరిచినా కరుస్తారని ఘాటు వ్యాఖ్యలు చేశారు.రేవంత్ మాదిరిగా తాను చదువు సంధ్య లేకుండా తిరగలేదని తనకు ఇంగ్లీష్, హిందీ రావడం చూసి రేవంత్ రెడ్డి ఎందుకు ఏడుస్తున్నారని, ఆయన నేర్చుకుంటే ఎవరూ ఆపలేదని కేటీఆర్ చురకలంటించారు.నేను ఆంధ్రాలో చదువుకుంటే తప్పంటున్న రేవంత్, ఆంధ్రా అల్లుణ్ణి తెచ్చుకోవడం తప్పు కాదా అన్నారు.
తండ్రి పేరు చెప్పుకోవడం గర్వకారణం
నేను మా నాయన కెసిఅర్ పేరు చెప్పుకుని బతుకుతున్నా అంటావు.. అవును, మా నాయన తెలంగాణ తెచ్చిన మొనగాడు, గర్వంగా చెప్పుకుంటా. నువ్వు సక్కటి పనులు చేస్తే నీ పిల్లలు నీ పేరు చెప్పుకుంటారు, కానీ ఇలాంటి లుచ్చా పనులు చేస్తే నీ మనవడు కూడా నీ పేరు చెప్పుకోవడానికి సిగ్గుపడతాడు” అని పేర్కొన్నారు.
Leave a Reply