జన్మ నక్షత్రం ప్రకారం ‘సుమన్’ అనే పేరు ఖరారు
ఫలించిన ఉద్యమ దంపతుల నిరీక్షణ
(హైదరాబాద్,న్యూస్ఇన్)
తన కుమారుడికి తాను అభిమానించే పార్టీ అధినేతతో పేరు పెట్టించాలని తొమ్మిది నెలల పాటు ఎదురు చూశారు ఆ దంపతులు. పార్టీ కార్యకర్త విషయం తెలసుకున్న కేసిఆర్ వారిని మంగళవారం నందినగర్ నివాసానికి ఆహ్వానించి తనకు నచ్చిన పేరు అభిమాని కుమారుడికి పెట్టారు. ఉద్యమ సమయం నుంచి బీఆర్ ఎస్ పార్టీకి నేతగా గుర్తింపు ఉన్న నర్సింహులు ఈ రోజ కుటుంబ సభ్యులతో కలిసి నందినగర్ లోని కేసిఆర్ నివాసానికి చేరుకోవడంతో పార్టీ అధినేత కేసిఆర్ స్వయంగా ఈ కుటుంబాన్నిఆహ్వానించారు. అభిమాని తనయుడి పుట్టిన రోజు తెలుసుకుని వేద పండితుల సూచనలతో ఆ బాలుడికి సుమన్ అంటూ నామ కరణం చేశారు. చిన్నారి బాబును ప్రేమతో తలపై నిమిరి, సంపూర్ణ ఆరోగ్యం వర్ధిల్లాలని ఆశీర్వదించారు.దీంతో ఎంతో ఆశగా తొమ్మిది నెలలుగా ఎదురు చూస్తున్న ఆ దంపతుల ఆనందానికి అవధులు లేకుండా పోయాయి. పరిగి నియోజకవర్గ పరిధిలోని మల్లెపల్లి గ్రామానికి నర్సింహ్ములు, అనిత దంపతులు తమ అభిమాన పార్టీ అధినేత సమయం ఇచ్చి నామకరణం చేయడంతో ఉబ్బితబ్బిబ్బయ్యారు. తమ కోరిక తొమ్మిది నెలలకు వైకుంఠ ఏకాదశి రోజున నిజం కావడంతో తమకు ఈ రోజు జీవితంలో గుర్తుగా మిగిలిపోతుందన్నారు.
అభిమానుతో కిక్కిరిసిన నంది నగర్
అసెంబ్లీ సమావేశాల సందర్భంగా హైదరాబాద్ వచ్చిన బీఆర్ ఎస్ అధినేత కేసిఆర్ ను ఆ పార్టీ నేతలు, కార్యకర్తలు పెద్ద ఎత్తున కలుసుకుంటున్నారు. అసెంబ్లీ ఎన్నికల తరువాత పూర్తి స్థాయిలో కేసిఆర్ అందుబాటులో ఉంటుండంతో ఎంతో మంది నేతలు నందినగర్ నివాసానికి చేరుకుంటున్నారు. పార్టీ నేతలు, కార్యకర్తల హడావుడితో నంది నగర్ నివాసం కిక్కిరిసి పోతుంది. గత రెండు రోజులుగా నందినగర్ నివాసంలో పార్టీ నేతలకు అధినేత అందుబాటులో ఉన్నారు.
Leave a Reply