రాత్రి 11నుండి 1వరకు
టిజిపిడబ్ల్యుయు ప్రకటన
(హైదరాబాద్, న్యూస్ఇన్)
కొత్త సంవత్సరం వేడుకల్లో మద్యం సేవించిన తర్వాత సురక్షితంగా ఇంటికి చేరలేని వ్యక్తుల కోసం తెలంగాణ గిగ్ అండ్ ప్లాట్ఫాం వర్కర్స్ యూనియన్ (టిజిపిడబ్ల్యుయు) ఉచిత రవాణా సేవలను ప్రకటించింది. కొత్త సంవత్సరం సందర్భంగా గిగ్ వర్కర్లు ఈ సేవలను అందించనున్నారు.డిసెంబర్ 31 రాత్రి 11:00 గంటల నుండి జనవరి 1 రాత్రి 1:00 గంటల వరకు, హైదరాబాద్, సైబరాబాద్, రాచకొండ పోలీస్ కమిషనరేట్ పరిధుల్లో అందుబాటులో ఉంటాయి.
ఈ కార్యక్రమం గురించి టిజిపిడబ్ల్యుయు అధ్యక్షులు షేక్ సలావుద్దీన్ మాట్లాడుతూ పండుగల సమయంలో మద్యం మత్తులో వాహనాలు నడపడం డ్రైవర్లు, పాదచారులకు ప్రమాదంగా మారుతోందన్నారు. ఈ సమస్యను ఎదుర్కొనేందుకు రోడ్డు ప్రమాదాలను నివారించి ప్రాణాలను కాపాడాలనే లక్ష్యంతో Hum Aapke Saath Hai ప్రచారాన్ని ప్రారంభించామని తెలిపారు.
ఈ కార్యక్రమంలో భాగంగా క్యాబ్స్, ఆటోలు, ఈవీ బైక్లు కలిపి మొత్తం 500 వాహనాలను వినియోగంలోకి తీసుకువస్తారు. మద్యం మత్తులో స్వయంగా ప్రయాణించలేని వారు 8977009804 నంబర్కు కాల్ చేసి ఈ ఉచిత రైడ్ సేవలను పొందవచ్చని ఆయన తెలిపారు.
ఈ సహకారం గురించి బిజ్లిరైడ్ వ్యవస్థాపకుల్లో ఒకరు మాట్లాడుతూ: “బిజ్లిరైడ్ లో మేము మొబిలిటీని కేవలం వాహనాల కదలికగా మాత్రమే చూడం—ప్రాణాల రక్షణగా చూస్తాం. ప్రజలకు బాధ్యతాయుతంగా వేడుకలు జరుపుకోవాలన్నారు.
Leave a Reply