అవినీతికి ధర కట్టే సీఎం మా గురించి మాట్లాడుతారా
మాకు సభలో అవకాశం ఇవ్వడం లేదు
గన్ పార్క్ దగ్గర బీఆర్ ఎస్ ధర్నా
(హైదరాబాద్, న్యూస్ ఇన్)
ప్రభుత్వ తీరుకు నిరసగా ఈ అసెంబ్లీ సమావేశాలను తమ పార్టీ బహిష్కరిస్తుందని మాజీ మంత్రి హరీష్ రావ్ వెల్లడించారు. మూసీ కంపు కంటే సీఎం మాటల కంపు ఎక్కువైందని ఆరోపించారు. మూసీ ప్రక్షాళనకు ముందు సీఎం తన నోటీని ప్రక్షాళన చేసుకోవాల్సిన అవసరం ఉదన్నారు. రాజ్యాంగాన్ని కాపాడాలని ఎఐసిసి అగ్రనేత రాహూల్ గాంధీ రాజ్యాంగాన్ని కాపాడాలని దేశంలో పర్యటిస్తుంటే…తెలంగాణాలో రేవంత్ రెడ్డి మాత్రం అసెంబ్లీ సాక్షిగా రాజ్యాంగాన్ని ఖూనీ చేస్తున్నారన్నారు. శాసనసభను స్పీకర్ ఏకపక్షంగా నడుపుతున్న తీరుకు, ముఖ్యమంత్రి రేవంత్ రెడ్డి అప్రజాస్వామిక, అసభ్యకర ప్రవర్తనకు నిరసనగా.. ఈ అసెంబ్లీ సమావేశాలను పూర్తిగా బహిష్కరిస్తున్నట్లు బీఆర్ఎస్ పార్టీ ప్రకటించింది. సభ నుంచి వాకౌట్ చేసిన అనంతరం బీఆర్ఎస్ ఎమ్మెల్యేలు గన్ పార్క్ వద్ద నిరసన తెలిపారు.ఈ సందర్భంగా మాజీ మంత్రి హరీష్ రావు మాట్లాడారు.
వీధిరౌడిలా సీఎం వ్యాఖ్యలు……
శాసనసభ నడుస్తున్న తీరు ప్రజాస్వామ్య విలువలకు పూర్తిగా విరుద్ధంగా ఉంది. బీఏసీ సమావేశానికి మమ్మల్ని గంటన్నర సేపు వెయిట్ చేయించి అవమానించారు. ఈ సమావేశంలో సభను 7 రోజుల పాటు నడపాలని, ఆ తర్వాత మళ్ళీ సమావేశమై తదుపరి షెడ్యూల్ నిర్ణయిద్దామని స్పష్టంగా అనుకున్నాం. కానీ, సభలో ప్రవేశపెట్టిన మినిట్స్ లో మాత్రం సభ ఎన్ని రోజులు నడపాలనేది స్పీకర్ నిర్ణయానికే వదిలేస్తున్నాం అని తప్పుడు సమాచారం పొందుపరిచారు.స్పీకర్ సభను కస్టోడియన్ లా కాకుండా, ఏకపక్షంగా నడుపుతున్నారు.పార్లమెంట్ లో ప్రధాని మోదీని రాహుల్ గాంధీ విమర్శించలేదా? మరి ఇక్కడ మేము సీఎంను ప్రశ్నిస్తే మైక్ ఎందుకు ఆపేస్తున్నారు? ముఖ్యమంత్రిని విమర్శించవద్దని స్పీకర్ మాకు రూల్స్ చెప్పడం ఎక్కడి పద్ధతి. ప్రతిపక్షం మాట్లాడకూడదంటే అసలు సభ ఎందుకు? మమ్మల్ని ఎందుకు పిలిచినట్లని ప్రశ్నించారు.సభలో సీఎం బాడీ షేమింగ్ చేస్తూ మాట్లాడుతున్నారు. ఒక ముఖ్యమంత్రిలా కాకుండా వీధి రౌడీలా ప్రవర్తిస్తున్నారు.అసెంబ్లీని సీఎల్పీ మీటింగ్ లా, గాంధీ భవన్ లా మార్చేశారని ఆరోపించారు.కేసీఆర్ పై సీఎం వాడిన భాషను మేము తీవ్రంగా ఖండిస్తున్నామన్నారు. అవినీతికి ఆఫిషియల్ గా రేట్లు పెట్టి మరీ పెంచిన రేవంత్ రెడ్డికి మా గురించి మాట్లాడే నైతిక హక్కు లేదన్నారు.
Leave a Reply