చిన్నారుల ద‌గ్గు సిర‌ప్ లో ప్ర‌మాద క‌ర ర‌సాయ‌నాలు

నిషేధం విధించిన తెలంగాణా స‌ర్కార్

(హైద‌రాబాద్,న్యూస్ఇన్‌)

పిల్లల్లో దగ్గు నివార‌ణ కోసం వినియోగించే అల్మాంట్-కిడ్ (Almont-Kid) సిరప్‌లో మోతాదుకు మించి ప్రమాదకర రసాయనాలు (ఇథిలీన్ గ్లైకాల్) ఉన్నట్లు గుర్తించామని, ఆ సిరప్‌ను వాడొద్దని తెలంగాణ ఔషధ నియంత్రణ మండలి (డీసీఏ) ప్రజలను హెచ్చరించింది. బిహార్‌కు చెందిన ట్రిడస్ రెమెడీస్ సంస్థ తయారు చేసిన AL-24002 బ్యాచ్‌ సిరప్‌లలో కల్తీ జరిగినట్లు బెంగాల్‌లో గుర్తించారు. ఈ బ్యాచ్‌ సిరప్ ఎవరి వద్దనైనా ఉంటే వెంటనే వాడకం ఆపేయాలని, మార్కెట్‌లో దీని విక్రయాలను నిలిపివేయాలని తెలంగాణ డీసీఏ డైరెక్టర్‌ జనరల్‌ షానవాజ్‌ ఖాసీం ఆదేశించారు.

వాడకూడని సిరప్‌ వివరాలివే..

మందు పేరు: Almont-Kid Syrup
బ్యాచ్‌ నం: AL-24002
తయారీ తేదీ: Jan-2025
గడువు తేదీ: Dec-2026
దీనిపై సమాచారం లేదా ఫిర్యాదుల కోసం టోల్‌ఫ్రీ నంబరు 1800-599-6969లో సంప్రదించాలని సూచించారు.