పాక్ క్రికెటర్ల విచిత్ర వ్యాఖ్యలు
(స్పోర్ట్స్ డెస్క్,న్యూస్ఇన్)
అద్భుతమైన ఫాంతో న్యూజీలాండ్ టీ-20 సీరిస్ లో ఆడుతున్న అభిషేక్ శర్మ బ్యాటింగ్ పై ప్రపంచ వ్యాప్తంగా క్రికెట్ అభిమానులు సానుకూలంగా స్పందిస్తుంటే…పాకిస్తాన్ మాజీ క్రికెటర్లు, క్రికెట్లర్లు భిన్నంగా స్పందిస్తున్నారు. ఆ దేశంలో క్రికెట్ అభిమానులు కూడా అభిషేక్ బ్యాటింగ్ పై అభిషేక్ ఆటను ఆస్వాదిస్తున్నామని చెబుతున్నా…..కానీ క్రికెటర్లు,మాజీలు తమ అక్కసు వెళ్లగక్కే యత్నాలు చేస్తున్నారు. కొంత మంది క్రికెటర్లు వ్యంగాస్త్రాలు సంధిస్తుంటే….మరికొంత మంది మాత్రం అవకాశం వస్తే మూడు బంతుల్లోనే పేవిలియన్ కు పంపిస్తామని ప్రకటనలు చేస్తున్నారు. మరో క్రికెటర్ రాబోయే టీ-20 వరల్డ్ కప్ లో అభిషేక్ శర్మ కంటే తమ జట్టు బ్యాట్స్ మెన్ అత్యధికంగా సిక్స్ లు కొడుతారని సవాల్ విసురుతున్నారు. ఇది సాధ్యం కాకపోతే….తాను నగ్నంగా పాక్ వీధుల్లో తిరుగుతానని ఒక క్రికెటర్ ప్రకటించారు. మరో మాజీ క్రికెటర్ ఇంజమామ్ హక్ అభిషేక్ బ్యాట్ ను ఐసీసీ పరిశీలించాలని చమత్కారంగా మాట్లాడినా….సోషల్ మీడియాలో ట్రోల్ అవుతున్నారు.
మ్యాచ్ అంతలోనే అయిపోయింది….
మాజీ క్రికెటర్ కమ్రాన్ అక్మల్ మాత్రం ఓ యూట్యూబ్ షోలో మాట్లాడుతూ…నేను మ్యాచ్ చూడడం మొదలు పెట్టాను…అంతలోనే పూర్తయిందని చెప్పుకొచ్చారు. అభిషేక్ శర్మ తన గురువు యవరాజ్ సింగ్ గురువు వాళ్లిద్దరి ఆట అద్భుతంగా ఉంటుందని, ఫాస్ట్ బౌలర్లకు వాళ్లిద్దరూ శత్రువులని వ్యాఖ్యలు చేశారు. యువీ తన రోజుల్లో ఏ ఫాస్ట్ బౌలర్ లయను దెబ్బతీసేవాడు. ఇప్పుడు అతని శిష్యుడు అదే పని చేస్తున్నాడన్నారు. భారత జట్టు లోని బ్యాట్స్ మెన్ల ఆటను చూస్తుంటే వన్డేల్లో 500 పరుగులు చేసే రోజులు కూడా దూరంగా లేవన్న అభిప్రాయన్ని వ్యక్తం చేశారు. అభిషేక్ శర్మను భయంలేని బ్యాట్స్మెన్గా మరికొంత మంది పిలుస్తున్నారు.
యువీ ట్వీట్…..
న్యూజీలాండ్ తో మ్యాచ్ లో 14 బంతుల్లో 50 పరుగులు చేయడంతో అభిషేక్ ఒక్క సారిగా ప్రపంచం దృష్టిని ఆకర్షిస్తున్నారు. టీ-20 లో వేగంగా హాస్ సెంచరీ చేసిన రికార్డు అభిషేక్ గురువు యువరాజ్ సింగ్ పేరిట ఉంది. ఇంగ్లండ్తో డర్బన్ లో 2007లో జరిగిన టీ20 ప్రపంచకప్ మ్యాచ్లో 12 బంతుల్లోనే యువీ తన అర్ధ శతకాన్ని పూర్తి చేశారు.ఈ మ్యాచ్ లో బ్రాడ్ వేసిన బౌలింగ్లో ఒకే ఓవర్లో ఆరు సిక్సులు కొట్టి రికార్డు నెలకొల్పాడు.మ్యాచ్ అనంతరం యువీ అభిషేక్ ఇన్నింగ్స్ ను అభినందిస్తూనే 12 బంతుల్లో 50 పరుగులు చేయలేకపోయావన్న అర్ధం వచ్చేలా ట్వీట్ చేశారు.
Leave a Reply