(న్యూస్ఇన్)
ఆమెరికాలో ప్రముఖ జర్నలిస్ట్ గా గుర్తింపు ఉన్న డాన్ లెమన్ ను ఫెడరల్ ఎజెంట్లు లాస్ ఎంజెల్స్ లో అరెస్టు చేశారు. ఆదేశా చట్టాల ప్రకారం పలు సెక్షన్లపై కేసులు నమోదు చేశారు. ఈ నెల 18వ తేదీన సేయింట్ పాల్ మిన్నినోస్టా చర్చ సమీపంలో జరిగిన నిరసన కారులతో ఆయన లైవ్ చేయడం ఈ అరెస్టుకు దారి తీసింది. లైవ్ సందర్బంగా ఆ దేశ చట్టాలను అతిక్రమించారని కేసులు నమోదు చేశారు. ఆమెరికా చట్టాల ప్రకారం చర్చి లాంటి ప్రదేశాల్లో అడ్డగించడం, చర్చి సేవలకు ఆటంకం కలగించడం ( ఫ్రీడం ఆఫ్ యాక్సెస్ టు క్లీనిక్ ఎంట్రన్స్ యాక్ట్) ప్రకారం కేసులు నమోదు చేసారు. గతంలో లెమన్ సీఎన్ ఎన్ ఛానలో లో పనిచేసి ఇటీవలే స్వతంత్రంగా మీడియా సంస్థను ఏర్పాటు చేసుకున్నారు. లెమన్ పై నమోదు అయిన కేసుపై ఆయన న్యాయ వాది స్పందిస్తూ ఇది పత్రికా స్వాతంత్రం మీద జరిగిన దాడిగా చెప్పారు. కొంత మంది సీనియర్ జర్నలిస్టులు, న్యాయనిపుణులు స్పందిస్తూ… ఇది జర్నలిస్టులను భయపెట్టేందుకు తీసుకున్న చర్యలగా చెబుతున్నారు. మొత్తం మీద ఈ వ్యవహారం ఆమెరికాలో హాట్ హాట్ గా మారింది.
Leave a Reply