(హైదరాబాద్,న్యూస్ఇన్)
స్థానిక సంస్థల ఎన్నికలు సాధారణంగా అధికారంలో ఉన్న రాజకీయ పార్టీలకు కలిసి వస్తుంటాయి. అధికారంలో ఉన్న పార్టీలే ఏకపక్షంగా స్థానిక సంస్థల్లో పాగా వేస్తుంటాయి. విపక్ష పార్టీల నేతలు కూడా అధికార పార్టీ వైపు వెళ్లేందుకు ఆసక్తి చూపిస్తుంటారు. కానీ కాంగ్రెస్ పార్టీలో చేరికల విషయం ఎలా ఉన్నా….గులాబీ పార్టీలో చేరుతున్న నేతల సంఖ్య మాత్రం పెరుగుతోంది. బీఆర్ ఎస్ పార్టీలో చేరేందుకు నేతలు ముందుకు వస్తుండడంతో పార్టీలో జోష్ నింపుతోంది.
అరూరి రమేష్ చేరిక….
పార్లెమెంట్ ఎన్నికలకు ముందు పార్టీని వీడి బీజెపిలో చేరిన ఆరూరి రమేష్ ఇటీవల బీఆర్ ఎస్ చేరారు. పార్టీ వర్కింగ్ ప్రెసిడెంట్ కేటిఆర్ సమక్షంలో గులాబీ పార్టీలో చేరారు. కడియం శ్రీహరికి అనుంగు అనుచరుడుగా పేరున్న అరూరి బీఆర్ ఎస్ చేరడం పార్టీ కి ఆ జిల్లాలో కొత్త జోష్ ఇచ్చినట్లయింది. కడియం శ్రీహరి కాంగ్రెస్ పార్టీలో ఉన్నా….ఆరూరి బీజెపి నుంచి కాంగ్రెస్ పార్టీ లో చేరకుండా సొంత గూటికి చేరుకోవడం పార్టీ నేతల్లో మున్సిపల్ ఎన్నికలకు ముందు ఓ మాజీ ఎమ్మెల్యే తిరిగి సొంత గూటికి చేరుకోవడంతో గులాబీ నేతలు ఊపిరి పీల్చుకున్నంత పని అయింది.
మెదక్ జిల్లా రామయంపేట కాంగ్రెస్ సీనియర్ నేత సుప్రభాత రావ్ కూడా అధికార పార్టీ నుంచి గులాబీ పార్టీలో చేరడం ఆ నియోజకవర్గంలో రాజకీయ సమీకరణలు మారే అవకాశం కనిపిస్తోంది. మాజీ మంత్రి హరీష్ రావ్ సమక్షంలో సుప్రభాతరావ్ గులాబీ తీర్థం పుచ్చుకున్నారు. మున్సిపల్ ఎన్నికల హడావుడి మొదలైన తరువాత వరుసగా నేతలు చేరికలు మొదలు కావడంతో గులాబీ నేతల్లో కూడా కొత్త జోష్ నింపుతున్నట్లు అవుతోంది.
నాగార్జున సాగర్ నియోజకవర్గానికి చెందిన బీజేపీ సీనియర్ నేత,
రిక్కాల ఇంద్రసేనారెడ్డి తమ అనుచరులతో కలిసి బీఆర్ఎస్ పార్టీ వర్కింగ్ ప్రెసిడెంట్ కేటీఆర్ ఆధ్వర్యంలో బీఆర్ఎస్ పార్టీలో చేరారు.
ఇటీవలి కాలంలో నగర శివారుల్లో బండ్లగూడ జాగీర్ కార్పోరేషన్ కు చెందిన పలువురు కాంగ్రెస్ నేతలు బీఆర్ ఎస్ చేరారు. చేవేళ్ల నియోజకవర్గానికి చెందిన కీలక నేతలు కూడా బీఆర్ ఎస్ పార్టీలో చేరారు. రాష్ట్ర వ్యాప్తంగా గులాబీ పార్టీలో జరుగుతున్న చేరికలు ఎన్నికలు పార్టీ క్యాడర్ లో కొత్త ఉత్సాహాన్ని ఇస్తున్నాయి. పలు నియోజకవర్గాల్లో కాంగ్రెస్ పార్టీ నుంచి టికెట్లు ఆశిస్తున్న నేతలు వారికి అవకాశం దక్కకపోయినా…వారు గులాబీ పార్టీలో చేరేందుకు సిద్ధంగా ఉన్న చర్చ గులాబీ నేతల్లో జరుగుతోంది. ఇలాంటి నేతలను పార్టీలో చేర్చుకోవాలా వద్దా అన్న దానిపై నేతలు నిర్ణయానికి రాలేకపోతున్నారు.
Leave a Reply