కాంగ్రెస్ స్కాం క్యాలండ‌ర్ విడుద‌ల

హామీలు గాలికి…… కుంభ‌కోణాలు తెరపైకి

మాజీ మంత్రి హ‌రీష్ రావ్

(హైద‌రాబాద్,న్యూస్ఇన్‌)

కాంగ్రెస్ పార్టీ ఎన్నిక‌ల‌కు ముందు ఇచ్చిన హామీల‌ను ప‌ట్టించుకోకుండా గాలికి వ‌దిలేసింద‌ని, ఈ స్థానంలో పార్టీ కుంభ‌కోణాలు చేసేందుకు తెర‌లేపింద‌ని మాజీ మంత్రిహ‌రీష్ రావ్ ఆరోపించారు. ముఖ్య‌మంత్రి రేవంత్ రెడ్డి మాట్లాడుతున్న భాష వీధి రౌడీల కంటే అధ్వాన్నంగా ఉంద‌న్నారు. ఎన్నిక‌ల‌కు ముందు నిరుద్యోగుల కోసం జాబ్ క్యాలండ‌ర్ ను ప్ర‌క‌టిస్తామ‌ని హామీ ఇచ్చిన కాంగ్రెస్ ఆ స్థానంలో స్కాం క్యాలండ‌ర్ ను సృష్టించింద‌ని ఎద్దేవా చేశారు. రెండేళ్ల‌లో సీఏం రేవంత్ రెడ్డి ప్ర‌జ‌ల‌కు త‌న పాల‌న‌లో ఎక్క‌డా మేలు చేయ‌లేద‌ని, అసమ‌ర్ధ‌త‌ను క‌ప్పిపుచ్చుకునేంద‌కు వికృతంగా భాష‌ను వాడుతున్నార‌ని హ‌రీష్ రావ్ ఆరోపించారు. తన కుర్చీ కాపాడుకోవడానికి రేవంత్ రెడ్డి బీజేపీతో చీకటి ఒప్పందం చేసుకున్నారు. అందుకే కాంగ్రెస్ ప్రభుత్వ అవినీతిపై కేంద్రం విచారణ జరిపించడం లేదన్నారు. రైతు రుణమాఫీ, రైతుబంధు, వడ్లకు బోనస్ ఎగ్గొట్టి రైతులను నట్టేట ముంచారు. 24 గంటల కరెంటును 12 గంటలకు కుదించారని విమ‌ర్శించారు. రాజకీయాల్లో విమర్శలు, ప్రతివిమర్శలు ఉండొచ్చు, కానీ ముఖ్యమంత్రి హోదాలో ఉండి రేవంత్ రెడ్డి మాట్లాడుతున్న వికృత భాషను చూసి సభ్య సమాజం ఛీకొడుతోందన్నారు.

రాజకీయాల్లో విలువలు కాపాడాల్సిన బాధ్యత ఉన్న వ్యక్తే ఇలా చిల్లర మాటలు మాట్లాడటం భావ్యం కాద‌ని హిత‌వు చెప్పారు. తెలంగాణా ఆకాంక్ష‌ను నెర‌వేర్చిన నేత‌గా…. తెలంగాణాను అగ్ర‌భాగాన నిల‌బెట్టిన నేత‌గా తెలంగాణ సమాజం కేసీఆర్ ను న జాతిపితగా పిలుచుకుంటారని చెప్పారు. దీన్ని చూసి రేవంత్ రెడ్డికి క‌డుపు మండుతోంద‌న్నారు. ప్రతి ముఖ్యమంత్రికి ఆ రాష్ట్ర చరిత్రలో ఒక పేజీ ఉంటుంది. కానీ రేవంత్ రెడ్డి మాత్రం తెలంగాణ చరిత్రలో బూతుల ముఖ్యమంత్రిగా నిలిచిపోతాడన్నారు.

బీఆర్ ఎస్ వెల్ల‌డించిన కాంగ్రెస్ స్కాం ల జాబితా…..

జనవరిలో సివిల్ సప్లైస్ స్కాం
ఫిబ్రవరిలో ఎన్టీపీసీ ఫ్లై యాష్ (Fly Ash) స్కాం
మార్చిలో సాండ్ (Sand) స్కాం
ఏప్రిల్‌లో ఆర్టీసీ స్కాం
మేలో అమృత్ టెండర్ల స్కాం
జూన్‌లో ఫోర్త్ సిటీ (Fourth City) స్కాం
జూలైలో లగచర్ల, హైదరాబాద్ సెంట్రల్ యూనివర్సిటీ ల్యాండ్ స్కాం
ఆగస్టులో పీజీ మెడికల్ సీట్ల స్కాం
సెప్టెంబర్‌లో HILTP ఇండస్ట్రియల్ స్కాం
అక్టోబర్‌లో పవర్ స్కామ్,
నవంబర్‌లో సింగరేణి స్కాం
డిసెంబర్‌లో ముఖ్యమంత్రి, కేఎల్ఎస్ఆర్ (KLSR) స్కామ్.