తెలంగాణలో ప్రచారానికి పవన్ కళ్యాణ్ దూరం…!

(హైదరాబాద్, న్యూస్ఇన్)

మున్సిపల్ ఎన్నికల్లో తెలంగాణలో జరుగుతున్న మునిసిపల్ ఎన్నికల్లో బిజెపి,జనసేన
అభ్యర్థుల విజయం కోసం ప్రచారం చేస్తానని వారం రోజుల క్రితం ప్రకటించిన జనసేన పార్టీ అధ్యక్షుడు,ఏపీ ఉప ముఖ్యమంత్రి పవన్ కళ్యాణ్ తన ప్రచార షెడ్యూల్ రద్దు చేసుకున్నట్లు తెలుస్తోంది. 11 వ తేదీన జరిగే పోలింగ్ రెండు మూడు రోజులు ముందుగా తెలంగాణలో అభ్యర్థుల కోసం ప్రచారం చేస్తానని ఇందుకోసం రెండు రోజుల కేటాయిస్తానని పవన్ కళ్యాణ్ గతంలో వెల్లడించారు. కేంద్రమంత్రి కిషన్ రెడ్డి, బిజెపి రాష్ట్ర శాఖ అధ్యక్షుడు రామచందర్ రావు పవన్ కళ్యాణ్ కలిసి ప్రచారానికి రావాలని ఆహ్వానించడంతో ప్రచారంలో పాల్గొంటారని పవన్ హామీ ఇచ్చారు. జనసేన పార్టీ పత్రిక ప్రకటన కూడా విడుదల చేసింది ఎన్ డి ఏ కూటమి అభ్యర్థుల విజయం కోసం తెలంగాణలో పవన్ కళ్యాణ్ ప్రచారం చేస్తారని పేర్కొంది. ప్రాథమికంగా ఏడు 7,8 పవన్ కళ్యాణ్ ప్రచారం జిల్లాల్లో ఉంటుందన్న సమాచారం కూడా బయటకు వచ్చింది.కానీ అనూహ్యంగా తెలంగాణలో ప్రచారం చేయరాదని పవన్ కళ్యాణ్ నిర్ణయం తీసుకున్నట్లు తాజాగా అందుతున్న సమాచారం. పవన్ కళ్యాణ్ తెలంగాణలో ప్రచారం చేస్తారని ప్రకటించిన వెంటనే కాంగ్రెస్ పార్టీ నుంచి ఊహించని విధంగా బిజెపిపై అటాక్ మొదలైంది. ఆంధ్రానేతలు తెలంగాణలో ప్రచారం చేస్తే లాభం కంటే నష్టమే ఎక్కువ జరుగుతుందని బిజెపి కూడా అంచనా వేసినట్లు తెలుస్తుంది. ఈ కారణంగానే పవన్ కళ్యాణ్ తెలంగాణలో మున్సిపల్ ఎన్నికల ప్రచారానికి దూరంగా ఉండాలని బిజెపి నుంచి మళ్ళీ ప్రతిపాదనలు వెళ్లడంతోనే పవన్ తన ప్రచారాన్ని తెలంగాణలో రద్దు చేసుకున్నట్లు ప్రచారం జరుగుతుంది. మరో మూడు రోజులు ఎన్నికల ప్రచారానికి సమయం ఉన్నా… జనసేన అభ్యర్థులు పలుచోట్ల పోటీ చేస్తున్నా పవన్ కళ్యాణ్ తెలంగాణ రాజకీయాలపై మునిసిపాలిటీలో దృష్టి సారించే అవకాశం లేదని తెలుస్తోంది.