శివ‌రాత్రికి శ్రీశైలంలో ఏర్పాట్లు పూర్తి

ఆదివారం నుంచి బ్ర‌హ్మెత్స‌వాలు

(శ్రీశైలం, న్యూస్ఇన్‌)

మహాశివరాత్రి బ్రహ్మోత్సవాల‌కు శ్రీశైలంలో ఏర్పాట్లు పూర్త‌య్యాయి. ఆదివారం నుండి 18.02.2026 వరకు 11 రోజులపాటు బ్ర‌హ్మోత్స‌వాల‌ను జ‌రుగ‌నున్నాయి. బ్ర‌హ్మోత్స‌వాల ఏర్పాట్ల‌పై దేవ‌స్థానం ప్ర‌క‌ట‌న విడుద‌ల చేసింది. దేవ‌స్థానం వెల్ల‌డించిన వివ‌రాలు…… భ‌క్తులు పెద్ద ఎత్తున త‌ర‌లి వ‌చ్చే అవ‌కాశం ఉన్న నేప‌థ్యంలో అందుకు అనుగుణంగా ఎవ‌రికీ ఇబ్బందులు త‌లెత్త కుండా ఏర్పాట్లు చేసిన‌ట్లు దేవ‌స్థానం వెల్ల‌డించింది.

ఫిబ్రవరి 8వ తేదీ ఉదయం 9.00 గంటలకు యాగశాల ప్రవేశం తో ఉత్సవాలు ప్రారంభం

ఫిబ్రవరి 18 తేదీన రాత్రి పుష్పోత్సవ, శయనోత్సవాలతో బ్రహ్మోత్సవాలు ముగింపు

ముఖ్య కార్యక్రమాలు …..

08.02.2026 – ధ్వజారోహణ,
09.02.2026 – భృంగివాహనసేవ,
10.02.2026 – హంసవాహనసేవ,
11.02.2026 – మయూరవాహనసేవ,
12.02.2026 – రావణవాహనసేవ
13.02.2026 – పుష్పపల్లకీసేవ
14.02.2026 – గజవాహనసేవ
15.02.2026 – మహాశివరాత్రి – ప్రభోత్సవం – నందివాహనసేవ, లింగోద్భవకాల మహాన్యాస
పూర్వక రుద్రాభిషేకం – పాగాలంకరణ – స్వామిఅమ్మవార్ల బ్రహ్మోత్సవ కల్యాణం
16.02.2026 – రథోత్సవం – తెప్పోత్సవం
17.02.2026 – యాగ పూర్ణాహుతి, ధ్వజావరోహణ
18.02.2026 – అశ్వవాహనసేవ, పుష్పోత్సవం, శయనోత్సవం

పట్టువస్త్రాల సమర్పణ….

08.02.2026 – శ్రీ కాళహస్తీశ్వరస్వామివార్ల దేవస్థానం, శ్రీకాళహస్తి
09.02.2026 – శ్రీ వేంకటేశ్వర స్వామివార్ల దేవస్థానం, ద్వారకా తిరుమల
10.02.2026 – శ్రీ దుర్గా మల్లేశ్వరస్వామివార్ల దేవస్థానం, ఇంద్రకీలాద్రి, విజయవాడ
11.02.2026 – ఉదయం – శ్రీవరసిద్ధివినాయకస్వామివార్ల దేవస్థానం – కాణిపాకం
సాయంకాలం – తిరుమల తిరుపతి దేవస్థానం
12.02.2026 – రాష్ట్ర ప్రభుత్వం

సీఎం చంద్రబాబుకు ఆహ్వానం….

SRISAILAM INVITATION GIVING TO AP CM CHANDRA BABU TODAY IN AMARAVATI

బ్రహ్మోత్సవాలకు ముఖ్యమంత్రి చంద్రబాబును ఎమ్మెల్యే బుడ్డా రాజశేఖర్ రెడ్డి, ఆలయ బోర్డు ఛైర్మన్ రమేష్ నాయుడు, ధర్మకర్తల మండలి సభ్యులు, అధికారులు క్యాంప్ కార్యాలయంలో కలిసి ఆహ్వానించారు. ఈ సందర్భంగా స్వామివారి చిత్రపటం, ప్రసాదాలను సీఎం చంద్రబాబుకు అందజేశారు. ఆలయ పండితులు వేద మంత్రోచ్ఛారణలతో ఆశీర్వచనం ఇచ్చారు. మహాశివరాత్రి బ్రహ్మోత్సవాల ఏర్పాట్లను ఎమ్మెల్యే, ఆలయ బోర్డు సభ్యులు సీఎంకు వివరించారు. భక్తులకు కల్పించాల్సిన సౌకర్యాలు, భద్రత, రవాణా ఏర్పాట్లపై ప్రత్యేక దృష్టి పెట్టాలని అధికారులను సీఎం ఆదేశించారు. అదే విధంగా మహానందిలో జరిగే మహా శివరాత్రి బ్రహ్మోత్సవాలకు కూడా సీఎం చంద్రబాబును ఎమ్మెల్యే రాజశేఖర్ రెడ్డి ఆహ్వానించారు.