అదృష్టం అంటే వీరిదే
(మెదక్,న్యూస్ఇన్)
ఎన్నికల ప్రచారంలో పార్టీలన్నీ బిజీ బిజీగా ఉన్నాయి. ఎన్నికల కోసం కాకపోయినా ఆ ప్రాంతంలో ఆ మాజీ ఎమ్మెల్యే వెళుతుంటే ఎప్పుడు ఎవరి అదృష్టం ఎలా వరిస్తుందో చెప్పలేని పరిస్థితి ఉంది. సంగారెడ్డి, సదాశివ పేట మున్సిపల్ ఎన్నికల్లో ప్రచారం చేస్తూనే….సాదా సీదాగా హంగు హర్బాటం లేకుండా మాజీ ఎమ్మెల్యే, టీపీసీసీ వర్కింగ్ జగ్గారెడ్డి ఉంటారు. అనుచరులు హంగామా లేకుండా ప్రజలను కలుసుకుంటారు.
వారం రోజుల క్రితం సదాశివపేటలో వెళుతున్న సమయంలో ఓ సోడాబండి ఆయన కంట పడింది. నడిచి వెళుతున్న ఆయన సేద తీరేందుకు ఆబండి దగ్గరకు వెళ్లి మాట మంతి కలిపారు. ఆ బండి నిర్వాహకురాలితో మంచి చెడులు అడిగి తెలుసుకున్నారు. వ్యాపారం గురించి కూడా జగ్గారెడ్డి ఆమెతో ఆరా తీశారు.
ప్రస్తుతం రోజుకు తక్కువ ఆదాయం మాత్రమే వస్తుందని ఎక్కువ ఆదాయం రావాంటే లక్ష రూపాయలతో ఆధునిక మిషన్లు తెచ్చుకుంటే రోజూ వెయ్యి రూపాయాల వరకు ఆదాయం వస్తుందని చెప్పారు.అంతే….తనతో ఉన్న లక్ష రుపాయాలు ఆ మహిళ చేతిలో ఉంచి వ్యాపారం బాగా చేసుకోమని సూచించారు. దీంతో ఆ మహిళ నోట మాట రాలేదు….గతంలో మీ దగ్గరకు సహాయం కోసం వచ్చినా కలుసుకోవడం సాధ్యం కాలేదని ఆమె జగ్గారెడ్డితో చెప్పింది. ఈ రోజు నీ అదృష్టం ఇలా ఉందంటూ ఆమెకు భరోసా కల్పించి వ్యాపారం బాగా చేసుకోవాలని సూచించి వెళ్లిపోయారు. ఎన్నికల సమయం కావడంతో….ఈ వ్యవహారంపై విపక్ష పార్టీలు ఎన్నికల కమీషన్ కు ఫిర్యాదు చేశాయి.
తాజాగా ఈ రోజు అలాంటి ఘటనే జరిగింది. తన అనుచరడి వాహనంపై వెళుతున్న జగ్గారెడ్డిక ఓ చిన్న దుకాణం రోడ్డుపై ఏర్పాటు చేసుకున్న ఓ మోచీ కనిపించారు. ఆ వెంటనే బండిని వెనక్కి తెచ్చి…ఆమోచీతో మాటలు కలిపారు.
ఈ చిన్న వ్యాపారంతో కుటుంబం ఎలా నడుస్తుందని ఆరా తీశారు. రోజుకు ఎంత లాభం వస్తుందని మాటలు కలిపారు. రోజుకు 5,6 చెప్పుల జతలు అమ్ముతానని లాభం తక్కువగా ఉంటుందని చెప్పారు. రోడ్డుపైనే ఎలాంటి వ్యాపారం చేస్తుండంతో…చిన్న డబ్బా ఏర్పాటు చేసుకుని చెప్పులు రిపేరింగ్ తో పాటు….ఎక్కువ మాల్ పెట్టుకుంటే ఎలా ఉంటుందని జగ్గారెడ్డి అడిగారు. బాగా ఉంటుంది తన కుటుంబానికి కలిసి వస్తుందని 25 వేల రుపాయల అయితే విస్తరించుకుంటే చాలని ఆ మోచీ చెప్పారు. 50 వేల రుపాయాలు ఇచ్చి డబ్బా చెయించుకుని, వ్యాపారాన్ని విస్తరించుకోవాలని మోచీకి ధైర్యం చెప్పి వెళ్లారు.
ఇలా ఆయన కంటే పడితే…ఎవరికి అదృష్టం ఎలా వరిస్తుందో అన్న ప్రచారం ఉంది అది ఆచరణలోకి వచ్చిన ఈ ఘటనలే ఉదాహరణలు….
Leave a Reply