దక్షిణాఫ్రికాను వరించిన విజయం
(స్పోర్ట్స్ డెస్క్, న్యూస్ఇన్)
ప్రపంచ కప్ టి20లో అద్భుతం చోటుచేసుకుంది. పొట్టి ఫార్మాట్ ఒక్కో రోజు ఒక్కో టీం సత్తా చాటుతుంది. బలమైన జట్ల మధ్య మ్యాచ్ జరిగితే మొదటి బంతి నుంచి చివరి బంతి వరకు ఉత్కంఠ గా ఉంటుంది. అప్పుడు స్కోర్లు సమం అయితే…. ఒక సూపర్ పవర్ లో ఫలితం తేలుతుంది…. అప్పుడు కూడా సమానంగానే స్కోర్ అయితే… మరో సూపర్ దాకా మ్యాచ్ వెళుతుంది. ఇలాంటి మ్యాచ్ ఈ వరల్డ్ కప్ లో మొదటిసారి నమోదయింది. సౌత్ ఆఫ్రికా- ఆఫ్ఘనిస్తాన్ జట్ల మధ్య జరిగిన ఈ మ్యాచ్ క్రికెట్ అభిమానులకు మంచి మంచి కిక్కు ఇచ్చింది.
ముందుగా బ్యాటింగ్ చేసిన సౌతాఫ్రికా నిర్ణీత 20 ఓవర్లలో 6 వికెట్లకు 187 పరుగులు చేసింది. క్వింటన్ డికాక్ 59, ర్యాన్ రికెల్టన్ 28 బంతుల్లోనే 5 ఫోర్లు, 4 సిక్స్లతో 61 పరుగులు చేశారు. అఫ్గాన్ బౌలర్లలో అజ్మతుల్లా ఒమర్జాయ్ మూడు వికెట్లు తీయగా.. రషీద్ ఖాన్ రెండు వికెట్లు పడగొట్టాడు.
188 పరుగుల విజయ లక్ష్యంతో ఇన్నింగ్స్ ప్రారంభించిన అఫ్గానిస్థాన్ 19.4 ఓవర్లలో సరి 187 పరుగులకు ఆలౌటైంది. రెహ్మానుల్లా గుర్బాజ్ 4 ఫోర్లు, 7 సిక్స్లతో 84 పరుగులు సాధించారు. ఆఖరి ఓవర్లో అఫ్గానిస్థాన్ విజయానికి 13 పరుగులు అవసరం అయ్యాయి. రబడా నోబాల్, వైడ్ వేసాడు. రెండో బంతిని నూర్ అహ్మద్ సిక్సర్ తరలించగా.. నాలుగో బంతి మరో నోబాల్ వేసాడు. ఈ బంతికి మూడు పరుగులు వచ్చాయి. దాంతో చివరి రెండు బంతుల్లో 2 పరుగులు అవసరం కాగా.. నాలుగో బంతికి సింగిల్ తీసి రెండో పరుగు తీసే యత్నంలో ఫరూఖి రనౌటయ్యాడు. దాంతో స్కోర్లు సమమయ్యాయి.
సూపర్ ఓవర్ కు మ్యాచ్ దారి తీయడంతో…లుంగి ఎంగిడి వేసిన ఓవర్లో అఫ్గాన్ 17 పరుగులు చేసింది. సౌతాఫ్రికా కూడా సరిగ్గా 17 పరుగులే చేసింది. ఫరూఖి వేసిన ఈ ఓవర్లో బ్రేవిస్ సిక్స్ కొట్టి ఔటయ్యారు.. స్టబ్స్ ఫోర్తో పాటు ఆఖరి బంతికి సిక్స్ కొట్టడంతో మరోసారి కూడా స్కోర్ సమానమైంది.
రెండో సూపర్ ఓవర్ లో బ్యాటింగ్ చేసిన దక్షిణాఫ్రికా బ్యాటర్స్ 23 పరుగులు రాబట్టుకున్నారు. అజ్మతుల్లా బౌలింగ్లో స్టబ్స్ ఒక సిక్స్, మిల్లర్ రెండు సిక్స్లతో సౌతాఫ్రికా 23 పరుగులు చేసింది. 24 పరుగుల లక్ష్యంతో రెండో సూపర్ ఓవర్లు బ్యాటింగ్ చేసిన అఫ్గానిస్తాన్ 19 పరుగులే చేయగలిగింది.
కేశవ్ మహరాజ్ వేసిన ఈ ఓవర్లో గుర్బాజ్ వరుసగా మూడు సిక్స్లు బాది మరో సారి ఉత్కంఠ రేపినా… దక్షిణాఫ్రికాకే విజయం వరించింది. ఐసీసీ టీ20 ప్రపంచకప్ చరిత్రలోనే డబుల్ సూపర్ ఓవర్ ద్వారా విజయం సాధించిన తొలి జట్టుగా సౌతాఫ్రికా సరికొత్త రికార్డు సృష్టించింది.
పాక్ స్పిన్నర్ గురించి చూడండి
Leave a Reply