- పాక్ మాజీ ల మైండ్ గేమ్ వ్యాఖ్యలు
(స్పోర్ట్స్ డెస్క్, న్యూస్ఇన్)
భారత,పాక్ జట్ల మధ్య జరిగే మ్యాచ్ కు ముందే పాకిస్తాన్ మాజీలు భారత ఆటగాళ్లపై నోరు పారేసుకోవడం మొదలుపెట్టారు. ఫాంలో వున్న భారత ఆటగాళ్లను టార్గెట్ చేస్తూ కామెంట్లు మొదలు పెట్టారు. భారతజట్టు లో ఇటీవల కాలంలో బ్యాటింగ్ లో మెరుపులు మెరిపిస్తున్న ఆటగాళ్లు అభిషేక్ శర్మ, ఇషాన్ కిషన్ లపై పాక్ మాజీ క్రికెటర్లు నూరు పారేసుకుంటున్నారు. గతంలో పాక్ కీలక ఆటగాడిగా ఉన్న ఇంజమామ్ హాక్ ఇషాన్ కిషన్ ను టార్గెట్ చేశారు. ఇషాన్ బ్యాటింగ్ చేస్తున్న సమయంలో నేను చాలా దగ్గరగా చూశాను, ఇషాన్ కిషన్ బ్యాట్ లో డబుల్ రబ్బరు కర్రలు ఉన్నాయని, అందుకే అతను అంత పొడవైన సిక్సర్లు కొడుతున్నాడని అనుమానం వ్యక్తం చేశారు. భారత బ్యాట్స్మెన్ ల బ్యాట్లను తనిఖీ చేయాలి విచిత్రమైన డిమాండ్ ను తెరపైకి తెచ్చారు.
పాక్ జట్టు మాజీ బౌలర్ అమీర్ అభిషేక్ శర్మ బ్యాటింగ్ పై తన అభిప్రాయాన్ని టీవీ ఛానల్ చర్చలో ప్రస్తావిస్తూ…. అభిషేక్ శర్మ హిట్టింగ్లో ఎలాంటి నైపుణ్యం లేదని, అదృష్టం కొద్దీ అప్పుడప్పుడు పరుగులు వస్తుంటాయని తెలిపాడు. అతను ఆడేది చాలా ప్రమాదకరమైన ఆట అని అభిప్రాయం వ్యక్తం చేశారు.
అభిషేక్ కు టెక్నిక్ లేదు……
అభిషేక్ శర్మ అతను ప్రతీ బంతిని బలంగా బాదడానికే ప్రయత్నిస్తాడు. అతని రోజు బాగుండి ఆ ఆట క్లిక్ అయితే పర్వాలేదు. లేదంటే అతను విఫలమయ్యే అవకాశాలే ఎక్కువగా ఉంటాయి.
టెక్నికల్గా అతను పటిష్టమైన బ్యాటర్ అని నేను అనుకోవడం లేదు. అతను ఒకే చోటు నిలబడి, అన్ని బంతులు తను కోరుకున్న ప్రదేశాల్లోననే పడాలని ఆశిస్తాడు. ఇది నా వ్యక్తిగత అభిప్రాయం. అయితే, అతను ఫామ్లో ఉన్న రోజున భారీ స్కోరు చేస్తాడు. ప్రత్యర్థి జట్టు పతనాన్ని శాసిస్తాడు. అని మొహమ్మద్ అమీర్ చెప్పుకొచ్చాడు.
పాక్తో మ్యాచ్కు అభిషేక్ డౌట్..
పాకిస్థాన్తో జరిగే మ్యాచ్లో అభిషేక్ శర్మ ఆడటంపై అనుమానాలు వ్యక్తం చేశారు కెప్టెన్ సూర్యకుమార్ యాదవ్. ఆసియా కప్ టోర్నీలో పాకిస్థాన్పై అభిషేక్ శర్మ అద్భుతంగా బ్యాటింగ్ చేశాడు.
పాకిస్తాన్ బౌలర్ యాక్షన్ చూడండి…..
Leave a Reply