ఉస్మాన్ తారీఖ్ పైనే పాకిస్తాన్ భారీ ఆశలు
(స్పోర్ట్స్ డెస్క్,న్యూస్ ఇన్)
హై ఓల్టేజీ మ్యాచ్ పైనే క్రీడా వర్గాల్లో మరో సారి హాట్ హాట్ చర్చ. ఎట్టకేలకు భారత్ తో అడేందుకు అంగీకరించిన పాక్ విజయం సాధించాలన్న లక్ష్యంగా కసరత్తు చేస్తుంది. మరోసారి పాక్ ను ఓడించాలని భారత్ ప్రణాళికలను రచిస్తోంది. ప్రపంచ కప్ మ్యాచ్ లో పాకిస్తాన్ పై నెగ్గి తమ ఆధిపత్యాన్ని కొనసాగించేందుకు అనుసరించాల్సిన వ్యూహాలపై భారతజట్టు దృష్టి పెట్టింది. ఇక పాకిస్తాన్ ఇటీవలి కాలంలో జట్టులో కీలక బౌలర్ గా మారిన ఉస్మాన్ తారీఖ్ ను భారత్ పై ప్రయోగించేందుకు రెడీ అవుతోంది. స్పిన్నర్లను ఎదుర్కోవడంలో భారత బ్యాట్స్ మెన్లకు ఇబ్బంది లేకపోయినా…తారీక్ బౌలింగ్ యాక్షన్, క్రికెట్ మ్యాచ్ లో తారీక్ ను ఎదుర్కొన్న అనుభవం భారత్ లేకపోవడం వంటి అంశాలను బేరీజు వేసుకుని పాక్ తన తరుపు ముక్కగా తారీక్ ను ప్రయోగించేందుకు రెడీ అవుతోంది. ఇటీవల జరుగుతున్న మ్యాచ్ లలో వికెట్లు తీస్తున్న ఈ బౌలర్ యాక్షన్ గురించి ప్రపంచ క్రికెట్ లో తీవ్ర చర్చకు దారి తీస్తోంది,. యూఎస్ ఏ తో జరిగిన మ్యాచ్ లో మూడు వికెట్లు తీయడంతో మరోసారి ఐసీసీ ప్రపంచ కప్ లో ఉస్మాన్ తారీక్పై చర్చ మొదలైంది. పాక్ మాజీ క్రికెటర్లు తారీక్ ను తమ ట్రంప్ కార్డు అంటూ కితాబిస్తున్నారు.
వివరణ ఇచ్చిన తారీఖ్….
ఉస్మాన్ తారీఖ్ బౌలింగ్ యాక్షన్ పై వివాదం రాజుకోవడంతో తారీక్ గతంలో ఓ వివరణ ఇచ్చారు. తన శరీర నిర్మాణం సాధారణంగా లేదని , కొత్త భిన్నంగా ఉండడంతోనే బౌలింగ్ యాక్షన్ అలా ఉందన్నారు. తన శరీర నిర్మాణంపై వైద్యులు చెప్పేంత వరకు తనకు ఈ విషయం తెలియదన్నారు. అయితే ఐసీసీ నిబంధనల ప్రకారం యాక్షన్ లో ఎలాంటి తప్పుబట్టాల్సిన అవసరం లేదన్నారు.
తారీక్ పై ఇషాన్ ఏమన్నాడంటే….
ఉస్మాన్ బౌలింగ్ పై భారత బ్యాట్స్ మెన్ ఇషాన్ కిషన్ స్పందించారు. తారీక్ బౌలింగ్ యాక్షన్ ను పూర్తిగా విశ్లేషించుకున్నామని, బౌలర్లు ఎవరన్నది తమ ముందున్న సవాల్ కాదన్నారు. మెరుగైన ఆట ను ప్రదర్శించడమే తమ లక్ష్యామన్నారు. తారీక్ ను ఎదుర్కొనేందుకు తమకు ఎలాంటి ఇబ్బంది లేదన్నారు.
.
.
Leave a Reply