కుప్ప‌కూలిన పాకిస్తాన్ బ్యాటింగ్…..!

12 ఓవ‌ర్ల‌కు 83 ప‌రుగులు 7 వికెట్లు

పాకిస్తాన్ స్పిన్ ప్లాన్ ఫ్లాప్

(స్పోర్ట్స్ డెస్క్, న్యూస్ఇన్‌)

హై ఓల్టేజీ మ్యాచ్ లో పాకిస్తాన్ భార‌త్ బ్యాట్స్ మెన్ల‌ను క‌ట్ట‌డి చేసేందుకు అమ‌లు చేసిన స్పీన్ బౌలింగ్ ప్ర‌ణాళిక బెడిసి కొట్టింది. ఆ జ‌ట్టు బౌల‌ర్లు భార‌త జ‌ట్టుపై పెద్ద‌గా ప్ర‌భావం చూప‌లేక‌పోయారు. 20ఓవ‌ర్ల‌ను వేసేందుకు భార‌త జ‌ట్టుపై పాక్ కెప్ట‌న్ 7 గురు బౌల‌ర్ల‌ను ప్ర‌యోగించాల్సి వ‌చ్చింది. ఇందులో పాక్ స్పీడ్ స్టార్ షాహీన్ ఆఫ్రిదీ రెండు ఓవ‌ర్లు మాత్ర‌మే బౌలింగ్ చేసి భారీగా ప‌రుగులు స‌మ‌ర్పించుకున్నారు .2 ఓవ‌ర్ల‌లో 31 ప‌రుగుల షాహీన్ బౌలింగ్ లో భార‌త బ్యాట‌ర్లు పిండుకున్నారు. కేవ‌లం ఒక్క వికెట్ మాత్రం షాహీన్ తీసుకున్నారు. పాక్ బౌల‌ర్ల‌లో ఒక్క స‌యీం అయూబ్ మిన‌హా మిగిలిన బౌల‌ర్లు ఎక్క‌డా ప్ర‌భావం చూప‌లేదు. స‌యీం అయూబ్ మాత్రం 4 ఓవ‌ర్లు బౌలింగ్ చేసి 25 ప‌ర‌గులు ఇచ్చి 3 కీల‌క వికెట్లు ప‌డ‌గొట్ట‌డంలో విజ‌యవంతం అయ్యారు. పాకిస్తాన్ ట్రంప్ కార్డుగా ప్ర‌చారం పొందిన ఉస్మాన్ తారీఖ్ ప‌రుగులు క‌ట్ట‌డి చేసినా పెద్ద‌గా ప్ర‌భావం చూప‌లేక‌పోయారు. తారీఖ్ 4 ఓవ‌ర్లు వేసి 24 ప‌రుగులు ఇచ్చి ఒకే ఒక్క వికెట్ ప‌డ‌గొట్టారు. మొద‌టి ఓవ‌ర్ నుంచి స్పిన్న‌ర్ ల‌తో పాక్ కెప్ట‌న్ భార‌త్ పై అటాక్ చేయించారు. తొలి ఓవ‌ర్లోనే అభిషేక్ వ‌ర్మ వికెట్ సాధించ‌డంతో పాక్ సంబ‌ర‌ప‌డింది ….కానీ ఆ త‌రువాతే అస‌లు అట మొద‌లైంది. ఇషాన్ శ‌ర్మ‌, తిల‌క్ వ‌ర్మ‌లు పాక్ బౌల‌ర్ల‌కు ఏమాత్రం అవ‌కాశం ఇవ్వ‌లేదు ఎవ‌రు బౌలింగ్ కు వ‌చ్చినా భారీగా ప‌రుగులు రాబట్టుకునే విధంగా వ్య‌వ‌హ‌రించారు. స‌ల్మాన్ ఆఘా 2 ఓవ‌ర్ల‌లో 10 ప‌రుగులు ఇచ్చి ఒక్క వికెట్ ప‌డ‌గొట్టారు. అబ్రార్ అహ్మ‌ద్ 3 ఓవ‌ర్ల‌లో 38 ప‌రుగులు ఇచ్చుకున్నారు. షాదాబ్ ఖాన్ ఒకే ఓవ‌ర్ వేసినా 17 ప‌ర‌గులు చేశారు. మ‌హ్మ‌ద్ న‌వాజ్ 4 ఓవ‌ర్ల‌లో 28 ప‌రుగులు స‌మ‌ర్పించుకున్నారు. భార‌త బ్యాటింగ్ ను క‌ట్ట‌డి చేసేందుకు పాక్ కెప్ట‌న్ 7 గురు బౌల‌ర్ల‌ను ప్ర‌యోగించారు. అందులో ఆరు గురు స్పిన్ స్లో బౌల‌ర్లే ఉండ‌డం విశేషం. పాకిస్తాన్ స్పీడ్ స్టార్ షాహీన్ ఆఫ్రిది కూడా ఈ రోజు మ్యాచ్ లో పెద్ద‌గా ప్ర‌భావం చూప‌లేక‌పోయారు.

కుప్ప‌కూలిన పాక్ బ్యాటింగ్…..

176 ప‌రుగుల విజ‌య ల‌క్ష్యంగా బ‌రిలో దిగిన పాక్ కు ఆదిలోనే క‌ష్టాలు మొద‌ల‌య్యాయి. రెండు ఓవ‌ర్ల‌లో 3 వికెట్లు కోల్పోయి పీక‌లోతు క‌ష్టాల్లో ప‌డింది. హ‌ర్దిక్ పాండ్య పాక్ ప‌రుగుల ఖాతా ప్రారంభానికి ముందే వికెట్ తీయ‌గా బూమ్రా రెండో ఓవ‌ర్లోనే రెండు వికెట్లు ప‌డ‌గొట్టి పాక్ ను కోలుకోలేని విధంగా దెబ్బ తీశారు. ఆ త‌రువాత బౌలింగ్ వ‌చ్చిన అక్ష‌ర్ ప‌టేల్ కేడా పాక్ కీల‌క బ్యాట్స్ మెన్ బాబ‌ర్ అజం ను ఔట్ చేసి పాకిస్తాన్ ను కోలుకోలేని విధంగా దెబ్బ తీశారు. 10 ఓవ‌ర్లు పూర్త‌య్యే స‌రికి స‌గం వికెట్ల‌ను పాక్ కోల్పోయింది. దీంతో పాకిస్తాన్ భార‌త జ‌ట్టు ముందు మ‌రోసారి పెద్ద‌గా ఇబ్బందులు లేకుండా త‌లొగ్గిన‌ట్ల‌యింది.