(సినిమా డెస్క్, న్యూస్ఇన్)
తెలుగు సినీ ప్రేక్షుకులకు విజయ్ దేవరకొండ, రష్మిక మందాన ఈ రెండు పేర్లు కొత్త కావు….వాళ్ల మధ్య లవ్ స్టోరీల గురించి ఎన్నో ఏళ్లుగా చర్చ జరుగుతోంది. గీతా – గోవిందంతో మొదలైన వీరి కాంబినేషన్ జీవితంలో కూడా కలిసి నడిచే విధంగా అడుగులు పడుతున్నాయి. సినిమాలో లవ్ స్టోరీతో మొదలైన వీరి ప్రేమాయణం జీవితంలో కూడా నిజం అవుతోంది. ఈ నెల 26వ తేదీన ఈ జంట వివాహ బంధంలోకి అడుగు పెడుతోంది. వీరి వివాహం రాజస్థాన్ లో ని ప్యాలెస్ లో ఘనంగా జరుగనుంది. అతి తక్కువ మందికి మాత్రమే పెళ్లికి ఆహ్వానాలు అందిస్తున్నట్లు పెళ్లి ఆహ్వాన పత్రికలోనే పేర్కొన్నారు. మార్చి 4వ తేదీన హైదరాబాద్ తాజ్ క్రిష్ణ లో గ్రాండ్ గా రిసెప్షన్ ఏర్పాటు చేస్తున్నట్లు ఆ వెడ్డింగ్ కార్డులో ఉంది.
రాజస్థాన్ ప్యాలెస్ లో పెళ్లి…..
పెళ్లి ఉదయపూర్ జగ్ మందిర్ ఐస్లాండ్ ప్యాలెస్, తాజ్ లేక్ ప్యాలెస్ని ఫైనల్ చేశారని తెలుస్తోంది . సెలబ్రటీలు ఇక్కడ వివాహాలు జరుపుకోవడం ఇటీవలి కాలంలో అనవాయితీగా మారింది. తమకు కావాల్సిన అతి తక్కువ మందిని మాత్రమే అక్కడికి తీసుకెళ్లడం…అక్కడే బస చేసేందుకు ఏర్పాట్లు చేయడం వంటివి సాధారణంగా మారి పోయాయి. ఈ హీరో పెళ్లి కూడా అదే జాబితాలో చేరిపోనుంది. రాజస్థాన్ లోని ప్యాలెస్ లలో పెళ్లి చేసుకోవడం ఒక స్టాటస్ సింబల్ గా మారింది.రాజస్థాన్ ప్యాలెస్ లలో పెళ్లి చేసుకోవాలంటే కనీసం 80 లక్షల నుంచి మొదలవువుతుందట…. ఆతరువాత వారు కోరుకున్న ఏర్పాట్లు, సౌకర్యాలు కల్పించడం కోసం అదనంగా చెల్లింపులు చేయాల్సిందే….
ప్యాలెస్ లలో నిర్వహించే పెళ్లిళ్లు కావడంతో….. స్థాయికి తగ్గ ఏర్పాట్లు చేసుకోవడం వారికి సాధారణమే దీంతో ఒక్కో పెళ్లికి దాదాపు 1.50 కోట్ల నుంచి 2 కోట్ల రుపాయాల వరకు వెచ్చించక తప్పదని అంటున్నారు. అతి తక్కువ మందికి సకల సౌకర్యాలతో ఏర్పాట్లు చేయడం సాధారణంగా జరిగే పక్రియే
తాజ్ కృష్ణా లో డిన్నర్…..
తాజ్ కృష్ణాలో మార్చి 4న. హైదరాబాద్, బెంగుళూరు ఫ్యాన్స్ కి రిసెప్షన్ ఏర్పాటు చేసినట్లు ఆహ్వాన పత్రికలో పేర్కొన్నారు. సాయంత్రం 7 గంటలకు తాజ్ క్రిష్నలో రిసెప్షన్ కోసం ఆహ్వానం పలుకుతున్నట్లు ఉంది.
రిసెప్షన్ కు కూడా వెయ్యి మంది వరకు మాత్రమే అవకాశం కల్పించాలని నిర్ణయం తీసుకున్నట్లు తెలుస్తోంది. తాజ్ క్రిష్ణ హోటల్ లో లగ్జరీ హాల్స్, డ్రెస్ కోడ్ తో డిన్నర్ ఉంటుందని విజయ్ టీం వెల్లడించింది.
విజయ్ దేవరకొండ, రశ్మిక ఎంగేజ్మెంట్ గత అక్టోబర్లో హైదరాబాద్లో కుటుంబ సభ్యులు, అతి తక్కువ మంది ఆహ్వానితుల సమక్షంలో చేశారు. ఆ తరువాత నాలుగైదు రోజు కు విజయ్ టీం ఎంగేజ్ మెంట్ కన్ఫర్మ్ చేసింది.
Leave a Reply