కన్నడ కాంగ్రెస్ లో మారుతున్న రాజకీయం
- అధికారిక ప్రకటనే ఆలస్యం
(బెంగుళూరు, న్యూస్ఇన్)
దాదాపు ఆరు నెలలుగా కన్నడ రాజకీయాల్లో సీఎం మార్పుపై భారీగా ఊహాగాలు వినిపిస్తున్నాయి. ఏ క్షణంలో నైనా సిద్దూను మార్చి శివకుమార్ ను ముఖ్యమంత్రిని చేయవచ్చనే చర్చలు జరగుతున్నాయి. గతంలో ఇందుకు సంబంధించి ఈ ఇద్దరు నేతలు స్వయంగా చర్చలు కూడా జరిపారు. పార్టీ హై కమాండ్ మాత్రం సీఎం మార్పుపై మూడు నెలల క్రితం పెద్దగా ఆసక్తి చూపలేదు.
తాజా పరిణామాలను పరిశీలిస్తే….ఇక డీకే శివకుమార్ ను వీలైనంత త్వరగా సీఎం కుర్చీపై కూర్చోబెట్టేందుకు కాంగ్రెస్ పెద్దలు నిర్ణయం తీసుకున్నట్లు రాజకీయ వర్గాల్లో చర్చ జరుగుతోంది. కాంగ్రెస్ పార్టీని కర్నాటకలో అధికారంలోకి తేవడంతో డీకే పాత్ర కీలకమని ఆ రాష్ట్ర కాంగ్రెస్ నేతలు చెబుతున్నారు. సీనియార్టీ ప్రాతిపదికన సిద్ది రామయ్య సీఎం సీటును దక్కించుకున్నా….పార్టీ విధేయత ను పరిగణలోకి తీసుకునే సమయం వచ్చిందిన కన్నడ కాంగ్రెస్ నేతలు చెబుతున్నారు. సీఎం సిద్దూ ప్రమాణ స్వీకారానికి ముందు ఇద్దరి మధ్య అవగాహన ఉందని సీఎం కుర్చిని రెండున్నరేళ్లు ఉండాలన్న అభిప్రాయానికి వచ్చిన విషయాన్ని నేతలు గుర్తు చేస్తున్నారు.
ఫలించిన డీకే మంత్రాంగం….
గత వారం రోజుల క్రితం కూడా ఈ అంశంపై ప్రస్తుతం ఉప ముఖ్యమంత్రిగా ఉన్న డీకే శివకుమార్ సీఎం పదవిపై తన మనసులోని మాటను బయటపెట్టుకున్నారు. తనకు మద్దతుగా 130 మంది కాంగ్రెస్ శాసనసభ్యుల బలం ఉందని తనకు సీఎం పదవి ఇవ్వడానికి ఎవరికీ అభ్యంతరం లేదని చెప్పారు. గత వారంలో ఢిల్లీలో మకాం వేసిన డీకే పార్టీ పెద్దలతో సుదీర్ఘంగా మంతనాలు జరిపి ఇక సీఎం మార్పుపై పార్టీ పెద్దలను ఒప్పించినట్లు తెలుస్తోంది. పార్టీ అగ్రనేతలు రాహూల్, ప్రియాం క సహా ఏఐసీసీ అధ్యక్షులు మల్లికార్జున్ ఖర్గే ను కూడా డీకే కలిసి కన్నడ రాజకీయాల్లో సీఎం కుర్చీ తనకు కట్టబెట్టాలని కోరినట్లు తెలుస్తోంది. ఈ విషయాన్ని ప్రస్తుతం మంత్రి వర్గం సభ్యులు ధృవీకరిస్తున్నారు. సిద్దూ సీఎంగా రెండున్నరేళ్లు పాలన పూర్తయిందని ఇక కన్నడ రాజకీయాల్లో మార్పు ఉంటుందని సంకేతాలు ఇస్తున్నారు. మంత్రి సతీష్ జార్కిహోళీ ఈ విషయాన్ని ప్రకటించారు. పవర్ షేరింగ్ విషయంలో కాంగ్రెస్ హై కమాండ్ తుది నిర్ణయానికి వచ్చిందని త్వరలో ఇందుకు సంబంధించిన ప్రకటన రావచ్చన్న అభిప్రాయన్ని వ్యక్తం చేశారు.
కర్నాటకలో త్వరలో స్థానిక సంస్థలను ఎదుర్కోవాల్సి ఉన్న నేపథ్యంలోనే ఆ లోపే సీఎం మార్పు ఉంటుందన్న ఊహాగానాలు వినిపిస్తున్నాయి. స్థానిక సంస్థల ఎన్నికలు కొత్త సీఎం నాయకత్వంలోనే కాంగ్రెస్ పార్టీ ఎన్నికలకు సిద్ధమవుతున్నట్లు తెలుస్తోంది.
Leave a Reply