- భారత్, వెస్ట్ఇండీస్ ల పరిస్థితి
(స్పోర్ట్స్ డెస్క్, న్యూస్ఇన్)
టి-20 ప్రపంచ కప్ లో నేడు భారత జట్టు భవితవ్యం తేలనుంది. సాయంత్రం ఏడు గంటలకు ఈడెన్ గార్డెన్స్ లో భారత్, విండీస్ జట్ల మధ్య క్వార్టర్ ఫైనల్లో పోరు అందరిది ఆకర్షిస్తుంది. ఈ మ్యాచ్ లో గెలిచిన జట్టుకు సెమీఫైనల్ బర్త్ ఖరారు కానుంది.
ఈ గ్రూపులో ఇప్పటికే సౌత్ ఆఫ్రికా సెమీఫైనల్ చేరుకోగా ఈరోజు జరిగే మ్యాచ్లో విజేత రెండవ జట్టుగా సెమి ఫైనల్లో అడుగుపెట్టనుంది. లీగ్ దశలో అన్ని మ్యాచ్ల్లోను విజయం సాధించిన భారత జట్టు… సూపర్ ఎయిట్ లో దక్షిణాఫ్రికాతో జరిగిన మ్యాచ్ లో ఓటమిని చవిచూడడంతో సెమీఫైనల్ చేరుకోవడం భారత జట్టుకు అగ్నిపరీక్షగా మారింది. సూపర్ 8 లో జరిగిన ఒకే మ్యాచ్ సౌత్ఆఫ్రికా లో ఓటమిని ఎదుర్కొన్న అనంతరం మరో రెండు మ్యాచ్ లలో విజయం సాధిస్తేనే భారత జట్టు సెమీఫైనల్ బర్త్ ఖరారు అయ్యే పరిస్థితులు నెలకొన్నాయి. జింబాబ్వేతో జరిగిన మ్యాచ్లో భారత బ్యాట్స్మెన్లు సమిష్టిగా రాణించడం భారత జట్టుపై ఆశలు రేకెత్తిస్తోంది.ఈ ప్రపంచ కప్ లో పెద్దగా రాణించని అభిషేక్ శర్మ, తిలక్ వర్మ, సంజు శాంసన్ వంటి ఆటగాళ్లు బ్యాటింగ్లో టచ్ లోకి రావడం ఇండియాకు సానుకూల అంశం. బౌలింగ్లో బుమ్రా తో పాటు హర్షదీప్ సింగ్, వరుణ్ చక్రవర్తిలు అ రాణిస్తున్నారు. ఇది కూడా భారత్ కు కలిసి వచ్చే అంశంగా చెప్పుకోవచ్చు.
అంతకుముందు జరిగిన మ్యాచ్లో విఫలమైన బ్యాట్స్మెన్లు జింబాబ్వే తో జరిగిన మ్యాచ్ ద్వారా టచ్ లోకి వచ్చినట్లు కనిపించింది. ప్రపంచ కప్ లోనే అత్యధిక స్కోరును ఆ మ్యాచ్లో భారత జట్టు నమోదు చేసింది. మరోవైపు బౌలర్లు కూడా ఇదే మ్యాచ్ ద్వారా గాడిన పడ్డట్లు కనిపిస్తోంది. ఈ పరిణామాల నేపథ్యంలో t- 20 లో బలమైన జట్టుగా గుర్తింపు ఉన్న వెస్ట్ ఇండీస్ తో నేడు భారత జట్టు తలపడనుంది.
ఈ ప్రపంచకప్ లో విండీస్ కూడా అన్ని విభాగాల్లో రాణిస్తూ భారత్ తో పోటీకి సై అంటే సై అన్న సవాల్ విసురుతుంది. ఈరోజు మ్యాచ్ లో వెస్ట్ ఇండీస్ బ్యాట్స్మెన్ల కట్టడిపైనే భారత జట్టు ఆధారపడి ఉందని క్రికెట్ విశ్లేషకులు అంటున్నారు. యువ విండీస్ బ్యాట్స్మెన్ ల ను బౌలర్లు కట్టడి చేయ గలిగేలా చేస్తే భారత జట్టు విజయం సాధిస్తుందన్న అంచనాలు సర్వత్ర ఉన్నాయి. అయితే భారత జట్టుతో ఆడేందుకు తాము తహతహలాడుతున్నామని ఆటగాళ్లు ప్రకటనలు చేస్తున్నారు. వెస్టిండీస్ బ్యాటర్లలో మెజారిటీ బ్యాట్స్మెన్లు టి 20 కి సరిపోయే విధంగా హిటింగ్ చేస్తుండడం ఆ జట్టుకు ప్రధాన బలం. రూథర్ఫోర్డ్, కింగ్, షెఫర్డ్, హేట్మైర్ లు రెండు, మూడు ఓవర్లలోనే మ్యాచ్ గతిని పూర్తిగా మార్చి వేసే విధంగా వారు బ్యాటింగ్ చేసిన సందర్భాలు ఎన్నో ఉన్నాయి.
Leave a Reply