చీదరించుకున్న క్రికెట్ ఫ్యాన్స్
(స్పోర్ట్స్ డెస్క్, న్యూస్ఇన్)
ఎదురులేని పోరాట పటిమ చాటుకున్నా.. దిక్కులు పిక్కటిల్లే పరాక్రమం ప్రదర్శించినా.. ప్రపంచ కప్ సొంతం చేసుకున్నా .. విశ్వ విజేతగా నిలిచినా సరే .. విచక్షణ కోల్పోయి, సభ్యత మర్చిపోయి ప్రవర్తిస్తే నీ ఖ్యాతి మసకబారక మానదు. నువ్వు సాధించిన విజయం నీ విచ్చలవిడి ప్రవర్తన ముందు తలదించుకోక తప్పదు. తిరుగులేని యోధుడవని నీ విజయం నిన్ను ప్రపంచానికి సరికొత్తగా పరిచయం చేసినప్పుడే చరిత్రలో చెరిగిపోని స్థానం కల్పించబడుతుంది. ఐసీసీ టీ20 ప్రపంచ కప్ గెలుచుకున్న టీ ఇండియా ప్రదర్శనను ప్రపంచం అంతా ప్రశంసించింది. ప్రతి భారతీయ ఆటగాడిని పొగడ్తలతో ముంచెత్తింది. తిరుగులేని భారత జట్టు భవిష్యత్తులో మరిన్ని విజయాలు సాధించడం ఖాయమని భరోసా వ్యక్తం చేసింది. ఇదంతా ఒక ఎత్తైతే మైదానంలో హార్దిక్ పాండ్యా తన ప్రియురాలితో చెట్టాపట్టాలేసుకుని కుప్పిగంతులు వేసిన తీరు కాస్త ఎబ్బెట్టుగా అనిపించింది. అంతటితో ఆగకుండా లిప్ లాక్ ముద్దులతో తన్మయత్వానికి లోనుకావడం కూడా చిరాకు కలిగించింది.. టీం సభ్యులందరూ ఒకరిని ఒకరు అభినందించుకుంటూ విజయాన్ని ఆస్వాదిస్తుంటే హార్ధిక్ పాండ్యా మాత్రం ప్రియురాలు మళ్లీ పరలోకం వెళ్లి పోతుందేమో అన్నట్టు బౌండరీ లైన్ లో హద్దులు దాటి పోయాడు. విదేశీ ఆటగాళ్లు గానీ, గతంలో విజయాలు అందించిన సీనియర్ క్రికెటర్లు గానీ ఎవ్వరూ కూడా మైదానంలో ఇలా హద్దులు దాటి ప్రవర్తించిన దాఖలాలు లేవు. క్రమశిక్షణగా జీవితం మొత్తం క్రికెట్ కోసం అంకితం చేసి దాదాపు 20, 25 సంవత్సరాలు మైదనంతో అనుబంధం ఉన్న ఆటగాళ్లు ఏనాడూ హద్దులు దాటలేదు. సభ్యతకు, సంస్కారానికి విలువిచ్చారు. క్రమశిక్షణే జీవిత లక్ష్యంగా, భవిష్యత్ తరాలకు ప్రేరణగా నిలిచారు. ఎన్నో అమూల్యమైన విజయాలను మాతృభూమికి అందించారు. వాళ్ల నైతికత,సింప్లిసిటీ ముందు హార్దిక్ పాండ్యా ఎంత.? భారత్ కు ఎన్ని విజయాలు సాధించిపెట్టాడు? ఆకాశమంత ఎత్తుకు ఎదిగినా సంస్కారం మర్చిపోయి వ్యవహరించిన నాడు అదఃపాతాళానికి వెళ్లిపోవడం ఖాయం. ఎంత ఎదిగినా ఒదిగి ఉండాలనే సిద్దాంతానికి పూర్తి విరుద్ధంగా వ్యవహరించిన హార్దిక్ పాండ్యా విచ్చలవిడి ప్రవర్తన తగ్గించుకోవాలి. టీం ఇండియా విజయాన్ని అత్యంత ఉత్సాహ భరిత వాతావరణంలో వేడుక జరుపుకుంటున్న యావత్ దేశ ప్రజలు పాండ్యా జుగుప్సాకర ప్రవర్తన చూసి ఛీ.. ఏంటిది.? అనుకున్న సందర్బం మాత్రం వాస్తవం. ఎంత గొప్ప విజయాలు సాధించినప్పటికీ వాటిని ఆస్వాదించే విధానం వేరుంటుంది.. వ్యక్తిగతంగా జరుపుకునే వేడుక వేరుంటుంది. హార్దిక్ పాండ్యా ఈ విచక్షణ మర్చిపోకూడదని, ఇప్పటికైనా మైదానంలో హుందాగా వ్యవహరించాలని ఆశిద్దాం…
దేశవాళి, ఐపీఎల్, అంతర్జాతీయ క్రికెట్ లో ఇలాంటి దృష్యాలను మైదానంలో కట్టడి చేయాలంటే బీసీసీఐ,ఐసీసీ సంస్థలు లాంటి దృష్యాలు మరోసారి మైదనంలో కనిపించకుండా నిబందనలు తేవాల్సిన అవసరం ఉందన్న వాదన వినిపిస్తోంది. ఇండియా -న్యూజీలాండ్ మ్యాచ్ ఫైనల్ లో ఏమైందంటే….
Leave a Reply