హైద‌రాబాద్ లో అల్లు’సినీ’మాల్ ప్రారంభం

(హైద‌రాబాద్,న్యూస్ఇన్‌)

న‌గ‌రంలోని కోకాపేట‌లో అల్లూ కుటుంబం ఆధునిక సినిమా హాల్ ను నిర్మాణం చేసింది. అల్లూ సినిమా పేరుతో దీన్ని ప్రారంభించారు. ముఖ్య‌మంత్రి రేవంత్ రెడ్డి ఈ ఆత్యాధునిక సినిమా హాల్ ను ప్రారంభించ‌డం విశేషం. పుష్పా-2 విడుద‌ల సంద‌ర్బంగా చోటు చేసుకున్న ప‌రిణామాలతో సినీ ప‌రిశ్ర‌మ‌పై పూర్తి స్థాయి ప‌ట్టు సాధించిన స‌ర్కార్ సినిమా రంగానికి ప్రాధాన్య‌త ఇస్తూ వ‌స్తోంది. అల్లూ కుటుంబం పై సీఎం క‌క్ష‌తో వ్య‌వ‌హ‌రించార‌ని ఆరోప‌ణ‌లు అప్పుట్లో వినిపించినా….ప‌వ‌న్ క‌ళ్యాణ్, చిరంజీవి లు న‌డిపించిన దౌత్యంతో అల్లూ కుటుంబం పూర్తిగా అప్ప‌ట్లో జ‌రిగిన ఘ‌ట‌న‌ను ప‌ట్టించుకోవ‌డం లేద‌ని టాక్ వినిపిస్తోంది. అత్యాధునిక సౌక‌ర్యాలు ,విలాస వంతంగా ఏర్పాట్ల‌తో సిని మాల్స్ రంగంలోకి అల్లూ కుటుంబం కూడా అడుగు పెట్టింది. ఇప్ప‌టికే సినీరంగానికి చెందిన ఎంతో మంది త‌మ త‌మ పేర్ల‌తో సినీమాల్స్ ను నిర్మాణం చేసుకున్నారు. తాజాగా అల్లు కుటుంబం కూడా ఆ జాబితాలో చేరిపోయింది.

నెట్ ఫ్లిక్స్ఐలైన్ ప్రారంభం…

అంత‌కు ముందు సీఏం రేవంత్ రెడ్డి నెట్ ఫ్లిక్స్, ఐలైన్ సంస్థ‌ను ప్రారంభించారు.అనంత‌రం మాట్లాడుతూ
నెట్ ఫ్లిక్స్‌ ప్రపంచవ్యాప్తంగా ప్రతిభ, మంచి కంటెంట్‌ను సేక‌రించి వీక్ష‌కుల‌కు అందిస్తుంది. అంద‌రికీ ఎంటర్‌టైన్‌మెంట్ ఇవ్వ‌డ‌మే నెట్‌ఫ్లిక్స్ ధ్యేయంగా ప‌నిచేస్తోంది.ప్ర‌పంచ సంస్థ‌ల‌కు వేదిక అవుతూ… అన్ని ర‌కాల సంస్కృతి, సాంప్ర‌దాయాల‌ను గౌర‌వించ‌డ‌మే హైద‌రాబాద్ లక్ష్యం అన్నారు. ట్‌ఫ్లిక్స్ కు హైదరాబాద్ అవ‌స‌ర‌మైన అవకాశాలను త‌ప్ప‌క క‌ల్పిస్తుందన్నారు. నెట్‌ఫ్లిక్స్, ఐలైన్ ఇక్కడకు రావడంతో ప్రపంచ ప్రేక్షకులకు తెలంగాణ స్థానిక సంస్కృతి, సాంప్ర‌దాయాలు, విష‌యాలు చూపించే అద్భుత అవ‌కాశం దొరుకుతుంది.ప్రపంచ ఎంట‌ర్టైన్మెంట్ ఇండ‌స్ట్రీలో ఇండియా, తెలంగాణ ఎంత‌టి పాత్రను పోషించ‌బోతున్నాయో తెలిపేందుకు ఈ కార్య‌క్ర‌మ‌మే ఒక పెద్ద ఉదాహ‌ర‌ణ‌ అని అన్నారు.