భాగ్యనగరంగా పేరు మార్చాలంటున్న మల్లారెడ్డి కోడలు

అవ‌కాశం వ‌స్తే ప్ర‌జా సేవ చేస్తే

(హైద‌రాబాద్,న్యూస్ఇన్‌)

మాజీ మంత్రి మ‌ల్లారెడ్డి కోడ‌లు డాక్ట‌ర్ ప్రీతి రెడ్డి త‌న రాజ‌కీయ అరంగేట్రం పై స్ప‌ష్ట‌త ఇచ్చారు. మ‌హిళా నాయ‌క‌త్వం ఎంతో అవ‌స‌రం ఉంద‌ని తేల్చి చెప్పారు. మామ సంపాదించిన ఆస్తుల‌పై ద‌ర్జాగా ఉండ‌వ‌చ్చు కానీ నేను అలాగా ఉండ‌లేన‌న్నారు. అన్ని రాజ‌కీయ పార్టీల్లో త‌న‌కు స‌న్నిహితంగా ఉండే నాయ‌కులు ఎంతో మంది ఉన్నార‌న్నారు. త‌న మామ రాజ‌కీయాల్లోకి వ‌చ్చి గుర్తింపు తెచ్చుకున్నార‌ని, ఆయ‌న ఓ పార్టీలో ఉండి నేను మ‌రో పార్టీలో ఉండ‌డం సాధ్యం కాద‌ని తేల్చిచెప్పారు. రాజ‌కీయాలకు అతీతంగా తెలంగాణా మాజీ సీఎం కేసిఆర్ అంటే ఎంతో అభిమాన‌మ‌న్నారు. తెలంగాణాను అన్ని రంగాల్లో అభివృద్ధి చేసిన ఘ‌న‌త ఆయ‌న‌కే ద‌క్కుతుంద‌న్నారు. ఒక ఉన్న‌త విద్య చ‌దివిన మ‌హిళ‌గా ప‌లు భాష‌ల్లో ఉన్న ప‌ట్టు కార‌ణంగా త‌న‌కు రాజ‌కీయాల్లోకి రావాల్సిన అవ‌స‌రం ఉంద‌ని ఎంతో మంది ఇంటికి వ‌చ్చిన వాళ్లు త‌న ముందు ప్ర‌తిపాద‌న‌లు తెస్తున్నార‌ని చెప్పారు. ఓ టీవీ ఛానల్ కు ఇచ్చిన ఇంట‌ర్యూలో డాక్ట‌ర్ ప్రీతి రెడ్డి త‌న అభిప్రాయాల‌ను స్ప‌ష్టం చేశారు. ఎంతో ప‌రిణితి చెందిన మహిళగా ఆమె ఇచ్చిన స‌మాధానాలు ఆక‌ట్టుకున్నాయి.

మావ‌య్య‌ను విమ‌ర్శించిన వారిని నేను వ్య‌తిరేకిస్తాన‌న్నారు. రాజ‌కీయంగా విమ‌ర్శ‌లు చేసుకున్నా…వ్య‌క్తిగ‌తంగా సీఎం రేవంత్ రెడ్డికి ఆ ప‌ద‌విలో ఎవ‌రు ఉన్నా…వారికి తాను గౌర‌వం ఇస్తాన‌న్నారు. రాజ‌కీయ పార్టీలు ఎవ‌రి భావ‌జాలానికి అనుగుణంగా వ్య‌వ‌హరిస్తాయ‌ని, అయితే చివ‌రిగా ప్ర‌జ‌ల మేలు చేకూర్చేందుకు ప్ర‌య‌త్నిస్తాయ‌న్నారు. ప్ర‌భుత్వంలో ఉన్న వాళ్లు ఐదేళ్లకు ప‌రీక్ష‌ల‌కు సిద్ధం కావాల్సి ఉంద‌న్నారు.

అవ‌కాశం వ‌స్తే పోటీ చేస్తా…

వ‌చ్చే ఎన్నిక‌ల్లో పోటీ చేసే విష‌యంలో కూడా తాను మామ‌తో విబేధించి కొత్త పార్టీని వెతుక్కునే ప‌రిస్థితి లేద‌న్నారు. మామ మ‌ల్లారెడ్డి ఆదేశాల మేర‌కు నిర్ణ‌యం తీసుకుంటామ‌న్నారు. మా ఇంట్లో ఇంకా ఎంతో మంది కుటుంబ స‌భ్యులు ఉన్నార‌ని అంద‌రి అభిప్రాయాల‌కు అనుగుణంగా తన‌కు అవ‌కాశం వ‌స్తే ఖ‌చ్చితంగా పోటీ చేస్తాన‌ని చెప్పారు.

హైద‌రాబాద్ పేరు భాగ్యన‌గ‌రంగా మార్చాలి ….

అదే విధంగా రాజ‌కీయంగా మోడీని కూడా ఎంతో అభిమానిస్తాన‌న్నారు. భార‌తీయ‌త గురించి మోడీ ఎంతో క‌ట్టుబ‌డి ఉన్నార‌న్నారు. అంత‌కు ముందు దేశంలో ఈ ప‌రిస్థితి లేద‌న్నారు. నాకు రాజ‌కీయంగా అవ‌కాశం వ‌స్తే ప్ర‌జా సేవ చేసేందుకు తాను ఖ‌చ్చితంగా ముందుకు వ‌స్తాన‌న్నారు. అయితే…. ఏ రాజ‌కీయ పార్టీ అన్న‌ది మాత్రం ఇప్పుడే తేల్చ‌లేమంటూనే హైద‌రాబాద్ పేరు భాగ్య న‌గ‌రంగా ఉంటే బాగుటుంద‌న్న అభిప్రాయాన్ని వ్య‌క్తం చేశారు. పాకిస్తాన్ లో కూడా ఒక హైద‌రాబాద్ ఉంద‌ని, ఆ పేరును ఇక్క‌డ ఉంచుకోవాల్సిన అవ‌స‌రం లేద‌న్నారు. బీజేపీ టికెట్ ఆశిస్తున్నారా అన్న దానిపై ఇంకా స‌మ‌యం ఉంద‌ని చెప్పారు.

మ‌ల‌న్న మ‌ళ్లీ పెళ్లికి సిద్ధం అవుతున్నారు తెలుస్తా….