(ఫీచర్స్ డెస్క్,న్యూస్ఇన్)
కెన్యా అడువుల్లో మాత్రమే ఉండే రాణి చీమల గురించి మనకు పెద్దగా తెలియదు. కొన్ని దేశాల పర్యావరణ చట్టాలు ఈ చీమలను రక్షించేందుకు కఠిన నిబంధనలను అమలు చేస్తున్నాయి. అయినా ఈ చీమలను మరికొన్ని దేశాలు రహస్యంగా తరలించే యత్నాలు చేస్తున్నాయి. చీమల తరలింపును కొంత మంది లాభ సాటి వ్యాపారంగా మార్చుకుంటున్నారు. దీనికి ఒక కారణం ఉంది…చీమే కదా అని లైట్ తీసుకుంటే అంతే…..ఒక్కో చీమ ఖరీదు లెక్కిస్తే మనదేశ కరెన్సీ ప్రకారం ఒక గ్రాము బంగారం కంటే అధికంగా ఉంటుంది. ప్రస్తుతం అంతర్జాతీయ మార్కట్ లో ఈ చీమ ఖరీదు 18 వేల రుపాయలుగా పలుకుతుంది.
ఇలాంటి చీమలపై స్మగ్లర్ దృష్టి పడడంతో వాటిని కాపాడుకోవడం కెన్యాలో పెద్ద సమస్యగా మారింది. ఇటీవల కొంత మంది వరుసగా కెన్యా ఏయిర్ పోర్టు నుంచి ఈ చీమలను అక్రమంగా తరలిస్తూ పట్టుబడుతున్నారు. చీమల తరలింపు ఏమిటని కూపీ లాగితే ఈ చీమల గురించి ఆసక్తి కర విషయాలు వెలుగులోకి వస్తున్నాయి.
ఈ రాణి చీమలు కెన్యా అడవుల్లో మాత్రమే లభించే అరుదైన చీమల జాతిగా గుర్తింపు ఉంది. యూరప్, ఏషియాల్లోని పలు దేశాల్లో చీమల ప్రేమికులు వీటిని పెంచుకుంటారు. చైనా మార్కెట్లో వీటికి మరింత డిమాండ్ ఎక్కువ. వీటిలో మహిళా చీమలు ఒక్క రోజులో వేలాది గుడ్లు పెట్టి…. చీమల సంఖ్యను గణనీయంగా పెంచుతాయి.
కెన్యా అడవుల్లో ఈ చీమలు స్థానిక పర్యావరణాన్ని కాపాడేందుకు ఎంతో కీలకం.. ఈ చీమలు లేకపోతే ఫుడ్ చైన్ అదుపు తప్పుతుంది. ఈ కారణంగా అక్కడి ప్రభుత్వాలకు ఈ చీమలను కాపాడుకునేందుకు ఎంతో ప్రాధాన్యత ఇస్తాయి. చీమల స్మగ్గింగ్ జరుగుతుందన్న సమాచారంతో….. ప్రభుత్వం అంతర్జాతీయ విమనాశ్రాయాల్లో ఈ చీమల తరలింపును అడ్డుకునేందుకు ప్రత్యేక రక్ణణ చర్యలు చేపట్టింది. దీంతో ఈ చీమలను తరలిస్తున్న ముఠాలు గత మూడు నెలల్లోనే మూడు పట్టుబడ్డాయి. చీమల తరలింపు లో కూడా స్మగ్లర్లు చీమలు రవాణా సమయంలో మృత్యు వాత పడకుండా అన్ని జాగ్రత్తలు తీసుకుంటున్న జాగ్రత్తలు ఆశ్చర్యానికి గురి చేస్తున్నాయి. చీమలకు ఆక్సీజన్ అందడంలో ఇబ్బంది కాకుండా ఏర్పాట్లు చేసుకుంటున్నారు. అదే విధంగా కొన్ని చీమలను టిష్యూ పేపర్లలో ఉంచి ఇతర దేశాలకు తరలిస్తున్నట్లు అధికారులు గుర్తించారు.
.
Leave a Reply