(హైదరాబాద్,న్యూస్ఇన్)
ఇరాన్ యుద్ధంతో దేశంలో చమురు ఉత్పత్తులపై ప్రజలకు అనూహ్యంగా అనుమానాలు పెరిగాయి. పెట్రోల్, డీజిల్ విషయం ఎలా ఉన్నా వంట గ్యాస్ సిలిండర్ల విషయంలో పెద్ద ఎత్తున అపోహలు మొదలయ్యాయి. వాణిజ్య గ్యాస్ సిలిండర్ల కొరత ప్రభావం వంట గ్యాస్ సిలిండర్లపై పడింది. దీంతో చమురు కంపెనీలు గ్యాస్ బుకింగ్ కోసం వినియోగించుకునేందుకు వినియోగదారులకు అందుబాటులోకి తెచ్చిన యాప్ ల వినియోగం ఒక్క సారిగా పెరిగింది. ఈ నేపథ్యంలో చాలా మంది నేరుగా సేవలను పొందేందుకు ఇండియన్ ఆయిల్ అధికారిక యాప్ను పెద్ద ఎత్తున డౌన్లోడ్ చేస్తున్నారు.
ఈ భారీ డౌన్లోడ్ల కారణంగా గూగుల్ ప్లే స్టోర్లో ఇండియన్ ఆయిల్ యాప్ ట్రెండింగ్లోకి వచ్చింది. నిన్న మొన్నటి వరకు టాప్ ట్రెండింగ్ లో ఉన్న ChatGPTని దాటి నంబర్-1 స్థానాన్ని దక్కించుకుంది.
ఈ యాప్ ద్వారా వినియోగదారులు సులభంగా ఎల్పీజీ కొత్త కనెక్షన్ తీసుకోవడం, గ్యాస్ సిలిండర్ బుకింగ్ చేయడం, డెలివరీ ట్రాకింగ్ చూడడం, అవసరమైతే డిస్ట్రిబ్యూటర్ మార్చడం, అలాగే మెకానిక్ సేవలను పొందడం వంటి అనేక సౌకర్యాలను ఒకే చోట పొందగలిగే అవకాశం ఉంది. ఇరాన్ యుద్ధంతో ఒక్క సారిగా యాప్ ద్వారా సేవలు పొందేందుకు వినయోగదారులు పెద్ద ఎత్తున డౌన్ లౌడ్ చేసుకున్నారు.
Leave a Reply