చిన్నా రెడ్డిపై రుసరుసలు
(మహబూబ్ నగర్, న్యూస్ఇన్)
పంచాయతీ ఎన్నికల ఫలితాలు కాంగ్రెస్ పార్టీలోని లుకలుకలు బయటపెడుతున్నాయి. అసెంబ్లీ ఎన్నికలకు ముందు కాంగ్రెస్ పార్టీలో చేరిన వనపర్తి ఎమ్మెల్యే మాజీ మంత్రి చిన్నారెడ్డిని ఉద్దేశించి చేసిన వ్యాఖ్యలు ఆసక్తి రేపుతున్నాయి. నియోజకవర్గంలో కాంగ్రెస్ బలపరిచిన అభ్యర్థులు ఓటమి పాలయ్యేందుకు సీనియర్ నేత చిన్నారెడ్డి కారణమని మేఘారెడ్డి ఆరోపించారు. అసలు కాంగ్రెస్ పార్టీనేతను నేనే అని ఆయన చెప్పారు. ఎన్నికల సమయంలో కూడా మేఘారెడ్డి చేసిన వ్యాఖ్యలు దూమారం రేపాయి. సర్పంచ్ అభ్యర్థులుగా విజయం సాధించి నిధుల కోసం తన కార్యాలయానికి ఇతర పార్టీల నేతలు వస్తే వారిని మెడపట్టి బయటకు పంపుతానని వ్యాఖ్యలు చేశారు. నియోజకవర్గంలో సర్పంచ్ ఎన్నికల్లో ఫలితాలు ఊహించిన స్థాయిలో రాకపోవడంతో.. తాజాగా మాజీ మంత్రి చిన్నారెడ్డిపై వనపర్తి ఎమ్మెల్యే మేఘారెడ్డి సంచలన వ్యాఖ్యలు.. చిన్నారెడ్డే పలు గ్రామ పంచాయతీల్లో ఓటమికి కారణమని ఆరోపించారు… పంచాయతీ ఎన్నికల్లో చిన్నారెడ్డి వెన్నుపోటు పొడవడంతోనే ఫలితాలు అనుకున్నట్లు రాలేదన్నారు. ఈ ఎన్నికలు రాజకీయంగా నాతో పాటు ఎంపీ మల్లు రవికి తీవ్ర నష్టం చేకూర్చాయన్నారు. త్వరలోనే అధిష్టానం పెద్దలకు ఆధారాలతో ఫిర్యాదు చేస్తా అని తెలిపారు.
Leave a Reply