లింక్ క్లిక్ చేస్తే అకౌంట్ గుల్ల!
సైబర్ నేరగాళ్ల కొత్త రూటు
(హైదరాబాద్,న్యూస్ఇన్)
సైబర్ నేరగాళ్లు బ్యాంకు అకౌంట్లను ఖాళీ చేసేందుకు తరచూ కొత్త దారులను ఎంచుకుంటారు. ఇప్పుడు కొత్తగా ఆర్ బీ ఐనే తమ అస్త్రంగా వాడుతున్నట్లు హైదరాబాద్ పోలీసుల దృష్టికి వచ్చింది. కేంద్ర ప్రభుత్వం చేసిన ప్రకటనను సైబర్ నేరగాళ్లు వాడుకోవడం మొదలు పెట్టారు. ఈసారి ఏకంగా ఆర్బీఐ పేరుతోనే మెజెస్ లు పంపిస్తున్నారు. బ్యాంకుల్లో మురిగిపోయిన పైసలు (Unclaimed Deposits) ఇప్పిస్తామంటూ బ్యాంకు అకౌంట్లో ఉన్నడబ్బులను కాజేస్తున్నారు. ఆర్బీఐ తీసుకొచ్చిన ‘ఉద్గమ్’ (UDGAM) పోర్టల్ పేరు చెప్పి సైబర్ నేరగాళ్లు నయా దందా మొదలుపెట్టారు.
“మీ పాత ఖాతాల్లో లక్షలున్నయ్.. ఈ లింక్ క్లిక్ చేసి తీసుకోండి” అని మెసేజ్ లు, మెయిల్స్ పంపిస్తున్నరు. ఆశపడి ఆ లింక్ క్లిక్ చేశారో.. మీ ఫోన్ హ్యాక్ అయినట్లే. క్షణాల్లో బ్యాంక్ అకౌంట్ ఖాళీ కావడం ఖాయం…..
జర భద్రం.. ఈ జాగ్రత్తలు తీసుకోండి:
🛑 ఆర్బీఐ ఎప్పుడూ మీ ఓటీపీలు, పాస్వర్డ్లు అడగదు. ఆఫీసర్లు అని ఫోన్ చేస్తే నమ్మకండి.
🛑 అన్క్లెయిమ్డ్ డిపాజిట్ల కోసం udgam.rbi.org.in అనే వెబ్సైట్ మాత్రమే చూడాలి.
🛑 వాట్సాప్, మెయిల్స్ లో వచ్చే పిచ్చి లింకులను అస్సలు క్లిక్ చేయొద్దు.
పొరపాటున మోసపోతే వెంటనే 1930 నంబర్ కు కాల్ చేయండి. లేదంటే cybercrime.gov.in లో ఫిర్యాదు చేయండి. ఆలస్యం చేస్తే పైసలు గోవిందా!
Leave a Reply