కాంగ్రెస్ ఎంపీల‌తో రాజీనామా చేసే ద‌మ్ముందా

INC అంటే ఇప్పుడు ఇస్తామిక్ నేష‌న‌ల్ కాంగ్రెస్

కాంగ్రెస్ ఎంపీల‌ రాజీనామా చేయించే ద‌మ్ముందా

సీఎం రేవంత్ రెడ్డికి కి మ‌హేశ్వ‌ర్ రెడ్డి స‌వాల్

(హైద‌రాబాద్,న్యూస్ఇన్)

కేంద్ర ప్ర‌భుత్వం న‌రేగ ప‌థ‌కానికి మార్పులు చేసిన VB – G RAM G ప‌థ‌కాన్ని SIR అమ‌లును త‌ప్పుబ‌డుతున్న ముఖ్య‌మంత్రి రేవంత్ రెడ్డి కాంగ్రెస్ ఎంపీల‌తో రాజీనామా చేయించే ద‌మ్ముందా అని బీజెఎల్పీ నేత మ‌హేశ్వ‌ర్ రెడ్డి ప్ర‌శ్నించారు. కేంద్రం ముందు చూపుతో తెస్తున్న ప‌థ‌కాల‌పై కాంగ్రెస్ పార్టీ త‌ప్పు బ‌ట్ట‌డం హ‌స్యాస్పదంగా ఉంద‌న్నారు. సీఎం రేవంత్ రెడ్డి త‌న కుర్చీని కాపాడుకోవ‌డంతో పాటు రాహూల్ గాంధీకి మ‌రింత చేరువ‌య్యేందుకే ఈ ప‌థ‌కాల‌పై లేనిపోని విమ‌ర్శ‌లు చేస్తున్నార‌ని మ‌హేశ్వ‌ర్ రెడ్డి అన్నారు.కేంద్రంలో బిజెపి మ‌ళ్లీ అధికారంలోకి వ‌స్తే రాజ్యాంగాన్ని ర‌ద్దు చేస్తార‌నే అదే త‌ప్పుడు ప్ర‌చారంతో కాంగ్రెస్ మ‌హారాష్ట్ర, ఢిల్లీ, బీహార్ వంటి రాష్ట్రాల్లో అసెంబ్లీ ఎన్నిక‌ల బ‌రిలోకి దిగి దారుణంగా కాంగ్రెస్ పార్టీ ఓడిపోయిందన్నారు.బిజెపిని బ్రిటీష్ జ‌న‌తా పార్టీ అన‌డానికి రేవంత్ రెడ్డికి సిగ్గుండాలి. బిజెపి పేరులోనే భార‌తీయ‌త ఉంది. INC – ఇండియ‌న్ నేష‌న‌ల్ కాంగ్రెస్ ను స్ధాపించింది. కాంగ్రెస్ అనే ప‌దంలో భార‌తీయ‌త లేదు. అది బ్రిటీషోళ్లు పెట్టిన పార్టీ. INC – ఇండియ‌న్ నేష‌న‌ల్ కాంగ్రెస్ ఇప్పుడు ఇపుడు ఇస్లామిక్ నేష‌న‌ల్ కాంగ్రెస్ అయిందని మ‌హేశ్వ‌ర్ రెడ్డి వ్యాఖ్య‌లు చేశారు. రేవంత్ రెడ్డినే స్వ‌యంగా జూబ్లీహిల్స్ అసెంబ్లీ ఉప ఎన్నిక‌ల ప్ర‌చారంలోనే కాంగ్రెస్ అంటేనే ముస్లింలు … ముస్లింలు అంటేనే కాంగ్రెస్ అంటూ మాట్లాడారు. అందుకే INC – ఇస్లామిక్ నేష‌న‌ల్ కాంగ్రెస్ అని రేవంత్ రెడ్డినే కాంగ్రెస్ పేరు మార్చారన్నారు. దేశంలో ఇప్పుడే మొదటిసారిగా ‘SIR’ ‌ప్ర‌క్రియ చేపడుతున్నట్టు సీఎం రేవంత్ రెడ్డి మాట్లాడ‌డం హాస్యాస్ప‌దం. కాంగ్రెస్ నేత‌లు SIR ప్ర‌క్రియ‌పై అదే త‌ప్పుడు ప్ర‌చారం చేస్తున్నారు. SIR ప్ర‌క్రియ‌ను వ్య‌తిరేకిస్తున్న రాహుల్ గాంధీకి ద‌మ్ముంటే, ఈ SIR ప్ర‌క్రియ అంశంపై ప్ర‌జాతీర్పును కోర‌గ‌ల‌డా, త‌న రాయ‌బ‌రేలి ఎంపీ సీటుకు రాజీనామా చేసి ఎన్నిక‌ల‌కు వెళ్ల‌గ‌ల‌రా అని ప్ర‌శ్నించారు.