తోలు తీస్తా అంటే….నాలుక కోస్తా అనడంలో తప్పులేదు
హరీష్ రావు కు – జగ్గారెడ్డి కౌంటర్
(హైదరాబాద్,న్యూస్ఇన్)
బీఆర్ ఎస్ పార్టీ అధికారంలో లేకపోతే ఆ పార్టీ నేతలకు ఆంధ్రా ప్రాంతం, కృష్ణా, గోదావరి జలాలు గుర్తుకు వస్తాయని పీసీసీ వర్కింగ్ ప్రెసిడెంట్ జగ్గారెడ్డి వ్యాఖ్యానించారు కృష్ణా జలాల విషయంలో జరుగుతున్న రాజకీయ రగడ పై ఆయన మీడియాతో మట్లాడారు. ముఖ్యమంత్రి రేవంత్ రెడ్డి, ఉత్తమ్ కుమార్ రెడ్డిలు అసెంబ్లీలో సరైన సమాచారం ఇచ్చారన్నారు. రాజకీయంగా సీఎం స్పందించడంలో తప్పులేదన్నారు. కేసిఆర్ తోలు తీస్తా అంటే…..నాలుక కోస్తా అని సీఎం వ్యాఖ్యలు చేశారు. దీంట్లో తప్పేమిటని ప్రశ్నించారు. చంద్రబాబు హాయాం లో కేసీఆర్ మినిస్టర్ గా ఉన్నప్పుడు ఆంధ్రోళ్ళ పంచాయతీ లేదు.. కేసీఆర్ సీఎం గా ఉన్నప్పుడు ఆంధ్రోళ్ళ పంచాయతీ లేదు.. కేసీఆర్ ప్రతిపక్షం లో ఉన్నప్పుడే ఆంధ్రోళ్ళ పంచాయతీ తెరమీదకు ఎందుకు వస్తుందని జగ్గారెడ్డి ప్రశ్నించారు.
సీఎం గా కేసీఆర్ , చంద్రబాబు కలిస్తే తప్పులేదు , కేసీఆర్ – జగన్ సీఎం హోదా లో కలిస్తే తప్పులేదు.. కానీ చంద్రబాబు- రేవంత్ రెడ్డి సీఎం హోదా లో ఇద్దరు కలిస్తే ఎలా తప్పవుతుందో హరీష్ రావ్ సమాధానం చెప్పాలన్నారు.బీఆర్ ఎస్ అధికారంలో ఉంటే ఆంధ్రోళ్ళ కాలుకు ముళ్ళు గచ్చుకుంటె నోటి తో తీస్తా అంటారు……. ప్రతిపక్షం లో ఉంటే కాళ్ళు విరగ్గొడతా అంటారని ఇదీ బీఆర్ ఎస్ రాజకీయమని చెప్పారు.కాంగ్రెస్ ప్రభుత్వాల హాయంలో కట్టిన మంజీరా- సింగూరు ప్రాజెక్టుల నీళ్లు తాగే కేసీఆర్, హరీష్ రావు పెరిగారు…ఈ చరిత్ర మర్చిపోరాదన్నారు. 7600 కోట్లు ఖర్చు పెడితే కృష్ణ నదీపై కల్వకుర్తి ,భీమా , నెట్టెంపాడు ,కోయిల్ సాగర్ ప్రాజెక్టులు పూర్తయ్యేవి… ఎందుకు పూర్తి చేయలేదని ప్రశ్నించిన కోమటిరెడ్డి, సంపత్ లను సభ నుంచి సస్పెండ్ చేపించావని ప్రశ్నించారు. మేము వంద ప్రాజెక్టులు కట్టి ఒక్కసారి చెప్పుకోలేదు… మీరు ఒక్క ప్రాజెక్టు కట్టి వందసార్లు చెప్పుకున్నారని విమర్శించారు. హరీష్ రావు పవర్ పాయింట్ ప్రజెంటేషన్ చూస్తే ఆయన మంత్రి అయ్యాకనే తెలంగాణ వాళ్ళు నీళ్లు తాగుతున్నట్టు చెప్పారన్నారు. తెలంగాణా భవన్లో చెప్పిన విషయాలు అసెంబ్లీ లో ఎందుకు చెప్పలేకపోయారన్నారు.
నీళ్ల దోపిడీ అని ప్రచారం చేసుకున్నందుకు kcr పదేళ్లు సీఎం అయ్యాడన్నారు. రేవంత్ టీడీపీ నుండి వస్తె.. కేసీఆర్..టీడీపీ నుండి రాలేదా…..హరీష్ టీడీపీ కాదా..అన్నారు. తెలంగాణా ఉద్యమం జరుగుతున్న సమయంలో టడీపీతో టీఆర్ ఎస్ పొత్తు పెట్టుకున్న విషయం ఆ పార్టీ నేతలు విస్మరించారా అని నిలదీశారు. ఆంధ్రా, తెలంగాణా మధ్య మరోసారి కుంపటి పెట్టే పనిలో హరీష్ రావ్ ఉన్నారని ఆరోపించారు. నీకు..నీ మామ కి చంద్రబాబు పదవి ఇవ్వక పోయే సరికి తెలంగాణ గుర్తుకు వచ్చిందని విమర్శించారు. కేసీఆర్ తోలు తీస్తా అన్నందుకే రేవంత్ నాలుక కోస్తా అని అన్నారని, దీంట్లో తప్పుబట్టాల్సినఅవసరం లేదన్నారున. కేటిఆర్ లో ఇంకా చిన్న పిల్లల చేష్టలు పోలేదన్నారు. నేను అసెంబ్లీలో ఉంటే ఏదో అకటి అనేవాణ్ని అన్నారు.
Leave a Reply