ఈ నేల కోసం.. ఈ ధరిత్రి కోసం రక్తం చిందించడం
మీ కుటుంబానికి కొత్తేమీ కాదు వీరా..
పుడమి మీ రక్తంతో తడిసిన మరుక్షణమే
ఈ భారతావని స్వేచ్ఛా వాయువులు పీల్చుకుంది..
మీ ఎరుపెక్కిన రక్తాన్ని చూసి బ్రిటిష్ బానిస సంకెళ్లు కూడా
పటాపంచలైన సంఘటనలకు సాక్ష్యం ఈ ధరిత్రి
గ్రామగ్రామాం, కుగ్రామం,
ఊరూ వాడా మీ త్యాగాలతో పులకించిపోయింది
మీ నానమ్మ చిందించిన రక్తం తో
ఎర్రటి నేల నివ్వెరపోయింది..
నీ తండ్రి వెచ్చటి రక్తం ఈ దేశ చరిత్రను మార్చేసింది..
విశాల భారత సువిశాల స్వాతంత్య్రం కోసం మీ కుటుంబం
చిందించిన రక్తపు బిందువులు కాలేదు నిర్వీర్యం..
ధరిత్రిలో సువర్ణాక్షరాలతో లిఖించిన
మీ రక్తపు చుక్కల చరిత్ర
దేశ యువత బంగారు భవితకు ప్రతీక
చిందిన నీ రక్తం మరొక్క సారి శత్రువు గుండెల్లో
గుణపాన్ని దించింది
రౌద్రం దాగిన మీ రక్తంలోని గర్జన తెల్లోడిని తరిమినట్టే
రుధిరం తో నిండిన నీ రక్తం
56 ఇంచుల ఛాతీని బెదిరించిందివీరుడా..వృధా కాలేదు నీ రక్తపు బిందువులు..
నీ రక్తపు మరక మార్చేసింది ఈ చరిత్ర గతిని..
రక్తాన్నే కాదు.. ప్రాణాలను సైతం లెక్క చేయని నీ తెగింపుకు
జాతి మొత్తం చేస్తుంది లాల్ సలామ్..
చిందిన నీ రక్తానికి అదిరిపోయి, బెదిరిపోయి
గజగజ వణికిపోయింది మానవత్వం లేని సర్కార్..
నీ సాహసానికి, నీ ధైర్యానికి నీ రక్తంలోని పరాక్రమానికి
యువత చేస్తోంది సలామ్..!!
హరిక్రిష్ణ, స్పెషల్ కరస్పాండెంట్,
Leave a Reply