కొనసాగుతున్న గణేష్ నిమజ్జనాలు
(న్యూస్ఇన్,హైదరాబాద్)
హైదరాబాద్లో ప్రతిష్ఠాత్మకంగా నిర్వహించే ఖైరతాబాద్ బడా గణేష్ నిమజ్జనం పూర్తయింది. వినాయక నిమజ్జనం కారణంగా హుస్సేన్ సాగర్ పరిసర ప్రాంతాలు భక్తులతో కిక్కిరిసి పోయాయి. అనుకున్న సమయానికి ఖైరతాబాద్ గణేష్ విగ్రహాన్ని ప్రశాంతంగా నిమజ్జనం కావడంతో అధికారులు ఊపిరి పీల్చుకున్నారు. నిన్నటి వరకే దర్శనాలుకు అనుమతి ఇచ్చి ఖైరతాబాద్ గణేష్ నిమజ్జన ఏర్పాట్లను ఆర్ధరాత్రి నుంచే మొదలు పెట్టారు. సాంకేతిక సమస్యలు తలెత్తడంతో రెండు,మూడు గంటలు ఆలస్యం అయింది.
ఖైరతాబాద్ గణేష్ నిమజ్జనం పూర్తయినా….నగరంలోని పలు ప్రాంతాల నుంచి వినాయక విగ్రహాలు వినాయక్ సాగర్ వైపు తరలి వస్తున్నాయి. గంట గంటకు ఈ ప్రాంతంలో సందడి పెరుగుతోంది. యువత ఎంతో ఉత్సాహంగా నిజ్జనంలో ఆటపాటలతో ముందుకు సాగుతున్నారు.
ముగిసిన కీలక ఘట్టం….
ఖైరతాబాద్ బడా గణేష్ నిమజ్జనం హైదరాబాద్ తో పాటు దేశ వ్యాప్తంగా భారీ విగ్రహంగా ప్రత్యేక గుర్తింపు ఉంది. ఈ విగ్రహ నిజ్జనానికి ఖైరతాబాద్ నుంచి నిమజ్జనం ప్రాంతానికి తీసుకొచ్చే దూరం తక్కువగానే ఉన్నా….. కనీసం ఐదారు గంటల సమయం తీసుకుంది. ఈ విగ్రహ నిమజ్జనంపై పోలీసులు, మున్సిపల్ అధికాలు ప్రత్యేకంగా ఏర్పాట్లు చేస్తారు.
కొనసాగుతున్న విగ్రహాల తరలింపు…
నగరంలోని వివిధ ప్రాంతాల నుంచి గణేష్ విగ్రహాలు నిమజ్జనానికి తరలుతున్నాయి. 11 రోజుల పాటు పూజలు అందుకున్న గణనాథులు నిమజ్జనం కోసం తరలి వస్తున్నాయి. పాతబస్తీ నుంచి వచ్చే విగ్రహాలను జాంబాంగ్ దగ్గర స్వాగతం పలుకుతారు. ప్రధాన రహదారుల్లో వాహనాల రాకపోకలపై పోలీసులు రేపటి వరకు ఆంక్షలు వఙదించారు.
భారీ బందోబస్తులో పోలీసులు…
గణేష్ నిమజ్జనం సందర్భంగా హైదరాబాద్ పోలీసులు విస్తృత భద్రతా ఏర్పాట్లు చేశారు. ప్రధాన ఊరేగింపు మార్గాలు, నిమజ్జన కేంద్రాలు, రద్దీ ప్రాంతాల్లో అదనపు సిబ్బందిని మోహరించారు. సీసీ కెమెరాలు, కమాండ్ కంట్రోల్ వ్యవస్థ ద్వారా పరిస్థితిని పర్యవేక్షిస్తున్నారు. ట్రాఫిక్ పోలీసులు ప్రత్యేకంగా రంగంలోకి దిగి వాహనాల రాకపోకలను క్రమబద్ధీకరిస్తున్నారు.
రాకపోకల నియంత్రణ….
వినాయక విగ్రహాల ఊరేగింపుల కారణంగా కొన్ని ప్రధాన మార్గాల్లో ట్రాఫిక్ మళ్లింపులు చేపట్టారు. భారీ విగ్రహాలు వెళ్లే మార్గాల్లో వాహనాలను ప్రత్యామ్నాయ రూట్లకు మళ్లిస్తున్నారు. అత్యవసర సేవల వాహనాలకు ఇబ్బందులు కలగకుండా పోలీసులు ప్రత్యేక చర్యలు తీసుకుంటున్నారు. నిమజ్జనం ప్రశాంతంగా పూర్తి చేసేందుకు దాదాపు 20 వేల మంది పోలీసులకు బాధ్యతలు అప్పగించారు.
జీహెచ్ఎంసీ పారిశుద్ధ్యంపై దృష్టి…..
నిమజ్జన కేంద్రాల వద్ద జీహెచ్ఎంసీ ప్రత్యేక పారిశుద్ధ్య చర్యలు చేపట్టింది. విగ్రహాల నిమజ్జనం అనంతరం వ్యర్థాలను తొలగించేందుకు సిబ్బంది, వాహనాలను అందుబాటులో ఉంచారు. నిమజ్జన ప్రాంతాల్లో పారిశుద్ధ్య నిర్వహణతో పాటు అవసరమైన చోట్ల క్రేన్లు, ఇతర పరికరాలను సిద్ధంగా ఉంచారు. భక్తులకు అవసరమైన మౌలిక సదుపాయాలపై కూడా అధికారులు దృష్టి సారించారు.
ఖైరతాబాద్ బడా గణేష్ నిమజ్జనం పూర్తవడంతో ఉత్సవాల్లో కీలక ఘట్టం ముగిసింది. అయితే నగరంలోని ఇతర ప్రాంతాల నుంచి తరలివస్తున్న విగ్రహాల నిమజ్జనం నగరంలో గణేష్ ఉత్సవాల సందడి కొనసాగుతోంది. నిమజ్జన ప్రక్రియ ప్రశాంతంగా పూర్తయ్యేలా పోలీసులు, జీహెచ్ఎంసీ అధికారులు సమన్వయంతో ఏర్పాట్లు కొనసాగిస్తున్నారు.
Leave a Reply