నన్ను బీఆర్ఎస్ సప్పెండ్ చేయలేదు
(హైదరాబాద్,న్యూస్ఇన్)
పార్టీ ఫిరాయింపు ఎమ్మెల్యేల విచారణలో భాగంగా ఈ నెల 30వ తేదీన విచారణకు హాజరు కావాలని స్పీకర్ కార్యాలయం ఖైరతాబాద్ ఎమ్మెల్యే దానం నాగేందర్ కు నోటీసులు పంపించింది. ఈ నెల 30వ తేదీన విచారణకు రావాలని కోరింది. నోటీసులు అందిన తరువాత ఎమ్మెల్యే దానం నాగేందర్ స్పందించారు. మీడియా కథనాల ఆధారంగా తాను పార్టీ మారినట్లు బీఆర్ఎస్ భావిస్తోందన్నారు. పార్టీ ఫిరాయింపులపై బీఆర్ ఎస్ వేసిన పిటీషన్ ను కొట్టి వేయాలని దానం నాగేందర్ స్పీకర్ ను కోరారు. నేను బీఆర్ఎస్ పార్టీకి రాజీనామా చేయలేదని దానం నాగేందర్ వ్యాఖ్యానించారు. బీఆర్ ఎస్ కూడా తనను పార్టీ నుంచి సస్పెండ్ చేసినట్లు తనకు సమాచారం లేదన్నారు.
కాంగ్రెస్ సమావేశానికి వ్యక్తిగతంగా హాజరుయ్యా….
నేను 2024 మార్చిలో కాంగ్రెస్ సమావేశానికి వెళ్లానని అది తన వ్యక్తిగతమని దానం నాగేందర్ చెప్పారు. మీడియా కథనాల ఆధారంగా తాను పార్టీ మారినట్లు బీఆర్ ఎస్ భావిస్తోందని దానం అభిప్రాయం వ్యక్తం చేశారు. దానం నాగేందర్ చేసిన వ్యాఖ్యలు ఇప్పుడు మరోసారి హాట్ హాట్ గా మారాయి. పార్టీ మారిన శాసనసభ్యులంతా కూడా మేము బీఆర్ ఎస్ అంటూనే బయటకు చెబుతున్నారు. స్పీకర్ కూడా గతంలో వెల్లడించిన పలు తీర్పులపై పార్టీ ఫిరాయించినట్లు ఆధారాలు లేకపోవడంతోనే అనర్హత పిటీషన్లు కొట్టి వేసినట్లు వెల్లడించారు. దానం నాగేందర్ కూడా ఇప్పుడు ఫిరాయింపు బీఆర్ ఎస్ ఎమ్మెల్యేల జాబితాలో చేరిపోయారు. అయితే దానం నాగేందర్, కడియం శ్రీహరి విషయంలో గులాబీ పార్టీ కూడా ఎంతో సీరియస్ గా ఉంది.
దానం, కడియంలపై బీఆర్ ఎస్ ఫోకస్….
దానం నాగేందర్ పార్టీ ఫిరాయించిన అనంతరం కాంగ్రెస్ పార్టీ నుంచి సికింద్రాబాద్ ఎంపీ అభ్యర్థిగా పోటీ చేశారు. ఇది తమకు తిరుగులేని ఆధారం అని బీఆర్ ఎస్ చెబుతోంది. కడియం శ్రీహరి కూడా కాంగ్రెస్ పార్టీ కార్యాలయాల్లోనే సమావేశాలను ఏర్పాటు చేస్తుండడం, బీఆర్ ఎస్ పై విమర్శలు గుప్పించడం ఒక వంతైతే….. కడియం కూతురు కడియం కావ్య కాంగ్రెస్ పార్టీ అభ్యర్థిగా ఎంపీగా పోటీ చేయడంతో ఆ నామినేషన్ పత్రాలపై కడియం ప్రతిపాదించినట్లు సంతకాలు చేశారని బీఆర్ ఎస్ నేతలు చెబుతున్నారు. ఈ అంశాల ఆధారంగా న్యో పరంగా ఆ ఇద్దిరపైనా అనర్హత వేటు తప్పకుండా పడుతుందన్న ధీమా గులాబీ నేతలు వ్యక్తం చేస్తున్నారు.
దానం నాగేందర్ సరికొత్త వాదన….
30వ తేదీన జరిగే విచారణకు దానం నాగేందర్ హాజరవుతారా లేదా అన్నది కూడా ఆసక్తి రేపుతోంది. దానం విచారణకు హాజరైతే ఎలాంటి వాదనలు వినిపిస్తారన్నది చర్చనీయంశంగా మారింది. తాజాగా దానం చేసిన వ్యాఖ్యలు రాజకీయంగా మరోసారి చర్చకు దారి తీస్తున్నాయి.
Leave a Reply