- పోలీసులపై ఆగ్రహం
(మెదక్,న్యూస్ ఇన్)
తెలంగాణ ప్రదేశ్ కాంగ్రెస్ కమిటీ వర్కింగ్ ప్రెసిడెంట్ జగ్గారెడ్డికి కోపం వచ్చింది. మున్సిపల్ ఎన్నికల సందర్భంగా పోలీసు అధికారులు వ్యవహరించిన తీరుపై జగ్గారెడ్డి అగ్రహం వ్యక్తం చేశారు. పోటీ చేస్తున్న ఓ అభ్యర్థి కాలర్ పట్టుకుని ఓ పోలీసు అధికారి నిలువరించడం జగ్గారెడ్డికి కోపం తెప్పించింది. తన పార్టీ అభ్యర్థి ఏం తప్పు చేశారని కార్యకర్తలతో సహా పోలింగ్ కేంద్రం దగ్గరకు వెళ్లి పోలీసు అధికారులతో వాగ్వాదానికి దిగారు. పోలీసు అధికారులు కూడా ఎన్నికల సందర్భంగా అలాగే వ్యవహరిస్తామన్న సంకేతాలు ఇవ్వడంతో జగ్గారెడ్డి ఇక్కడ ఉన్న అధికారిపై ఆగ్రహంతో ఊగిపోయారు. ఇందుకు సంబంధించిన వీడియో సోషల్ మీడియాలో వైరల్ గా మారింది. పోలీసు అధికారులు వ్యవహరించిన తీరుతో తాను పోలింగ్ ఆపివేస్తానని ప్రకటించి బూత్ లోకి వెళ్ళేందుకు తన అనుచరులతో కలిసి ప్రయత్నం చేశారు.
ఈ సందర్భంగా పోలీసు అధికారులకు జగ్గారెడ్డి అనుచరుల మధ్య తోపులాట జరిగింది. అధికార పార్టీ తరపున పోటీ చేస్తున్న అభ్యర్థి కాలర్ పట్టుకున్న పోలీసు అధికారి ఎవరో తన ముందుకు రావాలంటూ జగ్గారెడ్డి ఆగ్రహం వ్యక్తం చేయడంతో అభ్యర్థితో ప్రవర్తించిన పోలీసు అధికారి అక్కడి నుంచి తప్పుకుని వేరే దగ్గరకు వెళ్లాల్సి వచ్చింది.
ఎన్నికల సంఘం సీరియస్…
మాజీ ఎమ్మెల్యే జగ్గారెడ్డి పోలీసులపై చేసిన వ్యాఖ్యలపై ఎన్నికల కమిషన్ సీరియస్ స్పందించింది. కేసు నమోదు చేసి, రిపోర్ట్ ఇవ్వాలని ఎస్పీకి స్టేట్ ఎలక్షన్ కమిషన్ ఆదేశించింది. ఓటర్ల మనోభావాలు దెబ్బతీసేలా జగ్గారెడ్డి వ్యాఖ్యలు ఉన్నాయన్న ఈసీ అభిప్రాయ పడింది.
సాదా…సీదాగా జగ్గారెడ్డి…..
Leave a Reply