- ఐఐఎం తో అధ్యయనానికి ఒప్పందం
(హైదరాబాద్,న్యూస్ఇన్)
దక్షిణ మధ్య రైల్వే రైల్ పార్శిల్ లాజిస్టిక్ సేవలతో ప్రజలకు మరింత చేరువయ్యేందుకు రెడీ అయింది.రైళ్ల ద్వారా పార్శిల్ రవాణా చేసేందుకు ఎంచుకునే వినియోగదార్లకు ఇంటింటికీ సజావుగా పార్శిల్ బుకింగ్ మరియు డెలివరీ సేవలను అందించే సమగ్ర డిజిటల్ ఈ-మార్కెట్ప్లేస్ అయిన తదుపరి తరం ‘రైల్ పార్శిల్ యాప్’అందుబాటులోకి తెచ్చింది. ఈ యాప్ ను ఆవిష్కరించిన అనంతరం దక్షిణ మధ్యరైల్వే జనరల్ మేనేజర్ శ సంజయ్ కుమార్ శ్రీవాస్తవ మాట్లాడుతూ ఆధునిక యుగంలో, పార్శిల్ బుకింగ్ టాక్సీని బుక్ చేసుకున్నంత సులభంగా రైలు పార్శిల్ యాప్ సాధ్యం చేస్తుందన్నారు. పారదర్శకతతో పాటు వినియోగదారుని మెరుగైన సౌలభ్యాన్ని అందిస్తుందన్నారు. 2030 నాటికి 3000 మిలియన్ టన్నుల సరుకు రవాణా లోడింగ్ మిషన్ను సాధించాలనే ఆకాంక్షకు ఈ యాప్ నిర్ణయం దోహద పడుతుందన్నారు.పైలట్ ప్రాజెక్టు లో భాగంగా , హైదరాబాద్, విజయవాడ, గుంటూరు, రాజమండ్రి, విశాఖపట్నం, బెంగళూరు మరియు చెన్నై వంటి ఏడు ప్రదేశాలలో ప్రారంభిస్తున్నారు.ఈ సందర్భంగా, దక్షిణ మధ్య రైల్వే బెంగళూరులోని ఇండియన్ ఇన్స్టిట్యూట్ ఆఫ్ మేనేజ్మెంట్ (ఐ.ఐ.ఎమ్)తో జోన్ వ్యాప్తంగా ఫ్రైట్ లాజిస్టిక్స్ మార్కెట్పై అధ్యయనం చేపట్టడానికి ఒక అవగాహన ఒప్పందం చేసుకుంది.
రైల్ పార్శిల్ యాప్ విశేషాలు…
- ఎండ్-టు-ఎండ్ సజావుగా సేవ: డోర్స్టెప్ పికప్ నుండి డోర్స్టెప్ డెలివరీ వరకు ఇంటిగ్రేటెడ్ బుకింగ్
- రియల్-టైమ్ పార్శిల్ ట్రాకింగ్: పికప్, రైలు రవాణా మరియు డెలివరీ దశలలో నిరంతర వాస్తవ రవాణా స్థితిని తెలుసుకోవచ్చు.
- ఆటోమేటెడ్ పుష్ నోటిఫికేషన్లు: పార్శిల్ నిర్వహణలోనున్న ప్రతి దశలో కస్టమర్ల రిజిస్టర్డ్ మొబైల్ నంబర్కు ఆటోమేటెడ్ సందేశాలు పంపబడుతాయి.
- పారదర్శక ఎల్.ఎస్.పిల ఎంపిక: సమాచారంతో కూడిన నిర్ణయం తీసుకోవడానికి అధికారం ఇవ్వడానికి ఛార్జీలు, సేవా ఎంపికలు మరియు రేటింగ్ల ప్రదర్శన.
- డిజిటల్ చెల్లింపులు: ఆన్లైన్ బ్యాంకింగ్, డెబిట్/క్రెడిట్ కార్డులు, యూపిఐ మరియు ఇతర డిజిటల్ మోడ్ల ద్వారా సురక్షిత చెల్లింపులు.
Leave a Reply