సీఎం హార్వర్డ్ యూనివర్సీటీ కోర్సు ఫీజు చెల్లించిన విద్యాశాఖ
(హైదరాబాద్,న్యూస్ఇన్)
ముఖ్యమంత్రి రేవంత్ రెడ్డి హార్వర్డ్ యూనివర్సిటీ విద్యాభ్యాసం వివాదాల్లో చిక్కుకునేలా కనిపిస్తోంది. హర్వార్డ్ యూనివర్సిటీ సీఎం రేవంత్ రెడ్డికి ఐదు రోజుల కోర్సులో అడ్మిషన్ కల్పించింది. డిసెంబర్ లో దావోస్ పర్యటన అనంతరం 25 నుంచి 30వ తేదీ వరకు ఐదు రోజుల పాటు ఎంతో క్రమశిక్షణగా ముఖ్యమంత్రి రేవంత్ రెడ్డి తరగతులకు హాజరయ్యారు. ఈ సందర్బంగా యూనివర్సిటీ ఇచ్చే అసైన్ మెంట్లు స్వయంగా పూర్తి చేశారని సీఎంఓ ఎప్పటికప్పుడు మీడియా ద్వారా రోజు తెలియచేస్తూ వచ్చింది. ఐదు రోజుల యూనివర్సిటీ కోర్సులో ‘లీడర్ షిప్ ఫర్ ద ట్వంటీ ఫస్ట్ సెంచరీ’ అనే ప్రత్యేక కోర్సులో సీఎం రేవంత్ రెడ్డి చేరారు. సీఎం కోర్సులో చేరడాన్ని కాంగ్రెస్ నేతలు గొప్పగా చెప్పుకున్నారు. ఐదు రోజుల పాటు సీఎం రేవంత్ హాజరైన ఈ కోర్సు లో చేరడం భవిష్యత్తు రాష్ట్ర ప్రయోజనాలకు ఎంతో ఉపయోగపడుతుందన్న వాదనను వినిపించారు.
అయితే కోర్సుకు హాజరై నప్పటి నుంచి కోర్సు ఫీజును ముఖ్యమంత్రి స్వయంగా భరిస్తున్నారా లేదంటే ప్రభుత్వం భరిస్తుందా అన్న అంశంపై ఏ ఒక్కరు స్పష్టత ఇవ్వలేదు.
ఆర్టీఐ ద్వారా వెలుగులోకి……
హైదరాబాద్ కు చెందిన కరీం అనే వ్యక్తి ఆర్ టి ఐ ద్వారా ఈ సమాచారాన్ని ప్రభుత్వాన్ని అడిగారు. దీంతో సీఎం రేవంత్ హార్వర్డ్ యూనివర్సిటీ ఫీజు భాగోతం బయటపడింది. ముఖ్యమంత్రి రేవంత్ రెడ్డి ఈ కోర్సు ద్వారా రాష్ట్రంలో విద్యా వ్యవస్థతో పాటు ఇతర అంశాల్లో ప్రపంచంతో పోటీ పడే విధంగా మార్చేందుకు అనుగుణంగా ఈ కోర్సులో చేరుతున్నారని విద్యాశాఖ ఇందుకు సంబంధించిన ఖర్చు మొత్తం భరిస్తుందని జనవరి 1వ తేదీన వెల్లడించిన ఉత్వర్వుల ప్రకారం స్పష్టం చేసింది .
అయితే సీఎం యూనివర్సిటీ విద్యాభ్యాసం రాష్ట్ర ప్రయోజనాలకు ఏ మేరకు ఉపయోగడపడుతుందో కానీ వివాదంగా మారే అవకాశం ఉంది. ఇక యూనివర్సిటీ నిధుల పంచాయతీ తెలంగాణా రాజకీయాల్లో తెలంగాణా రాజకీయాల్లో కొన్ని రోజుల పాటు కీలక అంశంగా మారేలా కనిపిస్తోంది.. ఆర్టీఐ ద్వారా లభించిన హార్వర్డ్ ఆయుధాన్ని విపక్షాలు లేవనెత్తకుండా ఉంటాయా మరి.
హార్వర్డ్ లో సీఎం రేవంత్ రెడ్డి అడ్మిషన్ పొందిన ఈ కోర్సు ఫీజు ఇతర వివరాలు తెలుసుకోవాలనుందా……
Leave a Reply