(హైదరాబాద్,న్యూస్ ఇన్)
ఉగ్ర వాద దాడులు దేశంలో గానీ ఇతర దేశాల్లో గానీ ఎక్కడ జరిగినా హైదరాబాద్ మూలాలు, హైదరాబాద్ లింకులుఉంటాయనే వాదనలు ఉన్నాయి. కొన్ని సార్లు ఇవి నిజమనే విధంగా ఆధారాలు పోలీసుల విచారణలో బయటపడుతుంటాయి.రాజకీయంగా ఈ వ్యవహారం అన్ని రాజకీయ పార్టీల మధ్య ఎప్పుడూ జరుగుతూనే ఉంటుంది. కానీ తాజాగా జరిగిన ఆస్ట్రేలియాలో జరిగిన ఉగ్రదాడి కూడా హైదరాబాద్ మూలాలున్న వ్యక్తిగానే ఆ దేశ భద్రతా సిబ్బంది గుర్తించింది. బీచ్ లో కాల్పులకు పాల్పడి 15 మందిని తండ్రి,కొడుకులు కాల్చి చంపారు. కాల్పులు చేస్తూ పట్టుబడ్డ సాజీద్ హైదరాబాద్ కు చెందిన వ్యక్తిగా అక్కడి పోలీసులు గుర్తించారు. ఈ ఘటన హైదరాబాద్ లో కలకలం రేపుతోంది.పట్టుబడిన సాజిద్ వద్ద ఇండియన్ పాస్ పోసర్టుఉందని ఆస్ట్రేలియా పోలీసులు గుర్తించారు. అక్రమంగా సాజీద్ పాస్ పోర్టు పొందారని పోలీసులు అనుమానిస్తున్నారు. సాజీద్ హైదరాబాద్ నుంచి ఫిలిప్పీన్స్, పాకిస్తాన్ వెళ్లినట్లు నిఘావర్గాల అనుమానం వ్యక్తం చేస్తున్నారు. స్టూడెంట్ వీసా మీద 1998 ఆస్ట్రేలియా వెళ్లిన సాజిద్ 2001లో పార్ట్నర్ వీసాగా సాజీద్ మార్చుకున్నారు. 2002లో రెసిడెంట్ రిటర్న్ వీసా పొందారు. ఆస్ట్రేలియాలో ఉంటూనే ఓ విదేశీరాలిని (ఒక ఇటాలిన్) ను వివాహం చేసుకున్నారు. 2017లో తండ్రి చనిపోతే హైదరాబాద్ వచ్చి వెళ్లినట్లు పోలీసులు ప్రాథమిక విచారణలో గుర్తించారు.2022లో టోలీచౌక్లో ఉన్న ఆస్తులను అమ్ముకుని హైదరాబాద్ నుంచి వెళ్లిపోయినట్లు సమాచారం అందుతోంది. 25 ఏళ్ల్లో రెండు సార్లు మాత్రమే హైదరాబాద్ వచ్చిన సాజిద్ కుమారుడు పాకిస్తాన్లో జన్మించినట్లు కూడా అధికారులు గుర్తించారు. ఇంకా పూర్తి వివరాలు తెలియాల్సిఉంది.
Leave a Reply