(హైదరాబాద్, న్యూస్ఇన్)
నాలాల్లో పూడిక తీస్తున్నప్పుడు.. పరుపులు, దిండులు, బెడ్షీట్లు, పెద్దమొత్తంలో ప్లాస్టిక్ వ్యర్థాలు బయట పడడం ఇప్పటివరకూ గమనిస్తూ వస్తున్నాం. బుధవారం హైడ్రా డీఆర్ ఎప్, మాన్సూన్ రెస్పాన్స్ టీంలు కలసి పూడికతీస్తుండగా.. ఏకంగా ఒక మృతదేహమే బయటపడింది. మేడ్చల్ – మల్కాజిగిరి జిల్లా అల్వాల్ మండలం మచ్చబొల్లారంలోని మోతుకుల కుంట ఔట్లెట్ నాలాలో పూడిక తీస్తుండగా గుర్తు తెలియని మృతదేహం కనిపించింది. పెద్దమొత్తంలో పేరుకుపోయిన చెత్తను జేసీబీతో తొలగిస్తుండగా.. ఈ మృతదేహం చెత్తతో కలసి బయటకు వచ్చింది. ఏమాత్రం గుర్తు పట్టడానికి వీలు లేకుండా.. ఎముకలకు శరీరం అతుక్కుని ఉంది. అల్వాల్ పోలీసులకు హైడ్రా సిబ్బంది సమాచారం అందించారు. పోలీసులు వచ్చి మృతదేహాన్ని స్వాధీనం చేసుకున్నారు. ప్రాథమిక సమాచారం ప్రకారం, ఆ మృతదేహం సుమారు 15 రోజుల క్రితం నాటిదిగా పోలీసులు అనుమానిస్తున్నారు. పోలీసులు విచారణ చేస్తున్నారు.
Hyderabad Nala, Desilting, Hydraa, Dead body found, Hydra complaint to police,
Leave a Reply