మున్సిపల్ ఎన్నికల రిజర్వేషన్ల జీవో విడుదల

పట్టణాల్లో మహిళా ఓటర్లే అధికం

ప్రకటించిన ఎన్నికల సంఘం

త్వరలో మున్సిపల్ ఎన్నికల నోటిఫికేషన్

(హైదరాబాద్, న్యూస్ ఇన్)

తెలంగాణలో మరో ఎన్నికల నగారా త్వరలో మోగనుంది. సంక్రాంతి పండుగ అనంతరం ఏ క్షణంలోనైనా మున్సిపల్ ఎన్నికలకు నోటిఫికేషన్ వెలువడే అవకాశం ఉంది. గత కొన్ని రోజులుగా మున్సిపల్ ఎన్నికలపై కసరత్తు జరుపుతున్న ఎన్నికల సంఘం ఓటర్ల జాబితాను కొలిక్కి తెచ్చింది. ఎన్నికల ను దృష్టిలో ఉంచుకొని ఎన్నికల సంఘం ఓటర్ల జాబితాను ఇటీవల సవరించింది. పలు మున్సిపల్ పట్టణాల్లో ఓటర్ల జాబితా పై తీవ్ర అభ్యంతరాలు వ్యక్తమయ్యాయి. అయితే తుది ఓటర్ల జాబితా ఖరారు కోసం అధికారులు ముందుగా నిర్ణయించినట్లే ఖరారు చేశారు.

రాష్ట్రంలో117 మున్సిపాలిటీలు, 6 కార్పొరేషన్లలో మొత్తం 51 లక్షల 92 వేల 220 మంది ఓటర్లు ఉన్నారని ఎన్నికల సంఘం ప్రకటించింది. మున్సిపల్ పట్టణాల్లో పురుషుల కంటే మహిళ ఓటర్లు అధికంగా ఉన్నారు. ఎన్నికల సంఘం ప్రకటించింది.

పురుష ఓటర్లు – 25,37,136

మహిళా ఓటర్లు – 26, 54,453

ఇతరులు – 631

మునిసిపల్ ఎన్నికల కోసం బీసీ రిజర్వేషన్లు ఖరారు చేస్తూ ప్రభుత్వం ఉత్తర్వులు కూడా జారీ చేసింది. దీంతో మున్సిపల్ ఎన్నికల ప్రక్రియ మరింత వేగవంతం అయిందని చెప్పవచ్చు. ఈ నాలుగైదు రోజుల్లోనే ఎన్నికల నోటిఫికేషన్ వెలువడే అవకాశం ఉంది