తారీక్ మాదిరిగానే సూర్య బౌలింగ్
(స్పోర్ట్స్ డెస్క్,న్యూస్ఇన్)
భారత- శ్రీలంక దేశాలు సంయుక్తంగా నిర్వహిస్తున్న ఐసీసీ టీ-20 ప్రపంచకప్ క్రికెట్ అన్ని మ్యాచ్ లు ఒక ఎత్తైతే ఇండియా- పాకిస్తాన్ జట్ల జరిగే మ్యాచ్ ఒక ఎత్తు. అందుకు అనుగుణంగానే ప్రపంచ వ్యాప్తంగా ఈ మ్యాచ్ పై క్రికెట్ అభిమానులు ఎంతో ఆసక్తిగా ఎదురు చూస్తుంటారు. ఈ విడత కప్ లో పాక్ తన కొత్త స్పిన్ బౌలర్ ను అన్ని టీంలకు అస్త్రంగా ప్రయోగిస్తామని గొప్పలు చెప్పుకుంటుంది. ఆ బౌలర్ యాక్షన్ పై కూడా ఎన్న వివాదాలు ఉన్నాయి….ఐసీసీ ఈ యాక్షన్ పై క్లీన్ చీట్ ఇచ్చిందని పాకిస్తాన్ ఆటగాళ్లు చెబుతున్నారు. యూఎస్ ఏ జరిగిన మ్యాచ్ లో మూడు వికెట్లు తీసి పాక్ జట్టు అంచనాలకు అనుగుణంగా రాణించిన ఉస్మాన్ తారీఖ్ ను భారత మ్యాచ్ లో తమ ట్రంప్ కార్డు అని ప్రమోట్ చేస్తోంది.దీనిపై భారత బ్యాట్స్ మెన్లు తారీఖ్ ను ఎలా ఎదుర్కోవాలో తమకు తెలుసు అంటూ పాక్ జట్టుకు సమాధానం ఇస్తున్నారు….
ఈ మ్యాచ్ కుముందు ప్రాక్టీస్ చేసిన భారత జట్టులో ఉస్మాన్ తారీఖ్ ను అనుకరిస్తూ భారత జట్టు కెప్టన్ బౌలింగ్ ప్రాక్టీస్ చేస్తున్నారు. ఇందుకు సంబంధించిన వీడియో సోషల్ మీడియాలో వైరల్ గా మారింది. పాక్ లో తారీఖ్ ఉంటే భారత జట్టులో సూర్య కూడా బౌలింగ్ చేసేందుకు రెడీ అవుతున్నారని నెటిజన్లు కామెంట్లు చేస్తున్నారు. ఈ వీడియోను పరిశీలిస్తే ఉస్మాన్ తారీఖ్ యాక్షన్ మాదిరిగానే సూర్య బౌలింగ్ చేస్తున్న విధానం ఆకట్టుకునేలా కనిపిస్తోంది. అయితే కావాలని అలా సూర్య బౌల్ చేశారా….సూర్య బౌలింగ్ స్టైల్ అదేనా అన్నది ఇప్పుడ చర్చకు దారి తీస్తోంది. కొలంబో లో జరిగే మ్యాచ్ క్రీడాలోకం దృష్టిని ఆటు వైపు తిప్పుకుటుంది.
Leave a Reply