- ప్రోటీస్, కీవీస్ మధ్య తొలిపోరు
(స్పోర్ట్స్ డెస్క్, న్యూస్ఇన్)
ఐసీసీ ప్రపంచకప్ పోటీలు తుది దశకు చేరుకున్నాయి. నాలుగు కీలక జట్టు సెమీఫైనల్స్ లో అడుగు పెట్టడంతో సెమీస్ అందరి దృష్టిని ఆకర్షిస్తున్నాయి. దక్షిణా ఫ్రికా- న్యూజీలాండ్, ఇంగ్లాండ్-భారత జట్టు సెమీస్ లో తమ అదృష్టాన్ని పరీక్షించుకోనున్నాయి. తొలి సెమీఫైనల్స్ లో ప్రోటీస్- కీవిస్ మధ్య నేడు సాయంత్రం కోల్ కత్త ఈడెన్ గార్డెన్ లో మ్యాచ్ జరుగనుంది. సాయంత్రం 7 గంటలకు జరిగే ఈ మ్యాచ్ క్రికెట్ అభిమానాలకు జోష్ ఇచ్చే అవకాశం కనిపిస్తోంది. పిచ్ బ్యాటింగ్ కు , స్పిన్ బౌలింగ్ కు అనుకూలించడంతో పాటు గ్రౌండ్ పొడిగా ఉండడంతో బ్యాటర్లు భారీగా పరుగులు సాధించే అవకాశం కనిపిస్తోంది.
ఐసీసీ ప్రపంచకప్ లో అందరి కంటేముందుగా ప్రోటీస్ జట్టు ముందుగా సెమీఫైనల్స్ చేరుకుంది. అన్ని మ్యాచ్ లలో ప్రత్యర్థి జట్ల మధ్య భారీ తేడాతో విజయం దక్కించుకుంది. జట్టు కెప్టన్ ఏయిడెన్ మార్కరం జోరు మీద ఉండడంతో పాటు క్వింటన్ డీకాక్, డేవిడ్ మిల్లర్ తో పాటు ఇతర బ్యాటర్లు కూడా ఫాంలో ఉండడంతో దక్షిణాఫ్రికా భారీ స్కోరు సాధిస్తామని ధీమాతో ఉంది. ఇదే సమయంలో న్యూజీలాండ్ బౌలర్లు కూడా తమ జట్టు బౌలింగ్ లో బలాన్ని ప్రదర్శించేందుకు సిద్దం అవుతోంది. దక్షిణాఫ్రికా బ్యాటర్లను కీవీస్ స్పిన్ దళంతో కట్టిడి చేయాలన్న యోచనలో ఆ జట్టు కెప్టన్ సాంట్నర్ ఉన్నారు. స్పిన్నర్లు రచిన్ రవీంద్ర రచిన్ రవీంద్ర, గ్లెన్ ఫిలిప్స్, కోల్ మెక్కాంచీ వంటి స్పిన్నర్లతో ప్రోటీస్ బ్యాటర్లను కట్టడి చేయడమే కివీస్ ప్రధాన లక్ష్యంగా కనిపిస్తోంది. దక్షిణా ఫ్రికా ఫాస్ట్ బౌలర్లు కీవీస్ బ్యాట్స్ మెన్లను కట్టడి చేసేందుకు అనుసరించాల్సిన వ్యూహాలను అమలు చేయనున్నారు. కీవీస్ బ్యాటర్లు క్రీస్ లో నిలదొక్కుకుంటే భారీ స్కోరు సాధించడం సులువవుతుంది.
తొలి సెమిఫైనల్లో విజయం సాధించిన జట్టు గురువారం భారత్, ఇంగ్లాండ్ జట్ల మధ్య విజేతతో ఫైనల్స్ లో తలపడాల్సి ఉంటుంది.
జట్ల అంచనా
న్యూజిలాండ్ జట్టు….
మిచెల్ సాంట్నర్ (కెప్టెన్), ఫిన్ అలెన్, టిమ్ సీఫెర్ట్, రచిన్ రవీంద్ర, గ్లెన్ ఫిలిప్స్, మార్క్ చాప్మన్, డారిల్ మిచెల్, , కోల్ మెక్కాంచీ, మాట్ హెన్రీ, ఇష్ సోధి, లాకీ ఫెర్గూసన్.
సౌత్ ఆఫ్రికా జట్టు…..
ఐడెన్ మార్క్రమ్(కెప్టెన్), క్వింటన్ డికాక్, ర్యాన్ రికెల్టన్, డెవాల్డ్ బ్రెవిస్, డేవిడ్ మిల్లర్, ట్రిస్టన్ స్టబ్స్, మార్కో జాన్సెన్, కార్బిన్ బాష్, కాగిసో రబాడ, కేశవ్ మహారాజ్, లుంగీ ఎంగిడి.
వీండీస్ జట్టుపై దక్షిణాఫ్రికా భారీ విజయాన్ని నమోదు చేసుకుని ఫైనల్స్ కు చేరుకుంది.
Leave a Reply