కేటీఆర్ రాజీనామా చేయాలి- మంత్రి సీత‌క్క‌

(హైద‌రాబాద్,న్యూస్ఇన్‌)

మహిళా సంఘాలకు 57 వేల కోట్ల బ్యాంకింగ్ రుణాలు ఇస్తే తాను ఎమ్మెల్యే ప‌ద‌వికి రాజీనామా చేస్తాన‌ని ప్ర‌క‌టించిన బీఆర్ ఎస్ వ‌ర్కింగ్ ప్రెసిడెంట్ రాజీనామా చేయాల‌ని మంత్రి సీత‌క్క డిమాండ్ చేశారు. త‌న‌ను క‌లిసిన మిడియా ప్ర‌తినిధుల‌తో మంత్రి చిట్ చాట్ లో ప‌లు అంశాల‌పై త‌న అభిప్రాయాన్ని వెల్ల‌డించారు. తాము మ‌హిళాసంఘాల‌కు ఇచ్చిన రుణాలు ఇవేన‌ని మంత్రి సీత‌క్క ఆధారాలు బ‌య‌ట‌పెట్టారు. బ్యాంకుల ద్వారా మహిళా సంఘాలకు ఈ రెండు సంవత్సరాలలో 57 వేల కోట్లు విడుదల చేసామ‌ని చెప్పారు.మహిళా సంఘాల వడ్డీ భారాన్ని కూడా భరిస్తున్నామ‌న్నారు.ఇప్పటి వరకు మ‌హిళా సంఘాల 1390 కోట్ల వడ్డీ లను చెల్లించామ‌ని చెప్పారు. బీఆర్ఎస్ హయాంలో 4వేల కోట్ల వడ్డీ లను మహిళా సంఘాలకు ఎగ్గొటార‌ని ఆరోపించారు. అభ‌య హ‌స్తం నిధుల‌ను కూడా కాజేసిన‌చ‌రిత్ర మీకు ఉంద‌న్నారు.