వైకుంఠ ద్వార దర్శనం – E-DIP
70 లక్షల మంది నమోదు చేసుకునే అవకాశం
(అమరావతి, న్యూస్ఇన్)
తిరుమల వైకుంఠ ద్వారా దర్శనం కోసం పెద్ద ఎత్తున భక్తులు
eDIP ఇప్పటివరకు 6 లక్షలకు పైగా రిజిస్ట్రేషన్లు నమోదయ్యాయి. దాదాపు 15 లక్షల మంది డిప్ ద్వారా దర్శనం కోసం నమోదు చేసుకున్నారు. సోమవారం సాయంత్రం వరకు ఇంకా నమోదు చేసుకునే అవకాశం ఉండడంతోఈ ఐదు రోజుల వ్యవధిలో 60–70 లక్షల రిజిస్ట్రేషన్లు వచ్చే అవకాశం ఉందని టీటీడీ అంచనా వేస్తోంది.మొదటి మూడు రోజుల్లో 1.76 లక్షల స్లోటెడ్ టోకెన్లు ఎంపికైన భక్తులకు జారీ చేస్తామని టీటీడీ ప్రకటించింది.
ప్లాట్ఫారమ్ వారీగా రిజిస్ట్రేషన్లు 📱💻
మొబైల్ యాప్: 3.40 లక్షల రిజిస్ట్రేషన్లు (8.51 లక్షల సభ్యులు)
వెబ్సైట్: 2.21 లక్షల రిజిస్ట్రేషన్లు (5.75 లక్షల సభ్యులు)
వాట్సాప్: 39 వేల రిజిస్ట్రేషన్లు (98 వేల సభ్యులు)
వాట్స్ ప్ ద్వారా నమోదు చేసుకోవాలనుకునే భక్తుల కోసం ఏపీ ప్రభుత్వం ఈ సారి కొత్త విధానాన్ని అందుబాటులోకి తెచ్చింది.
ఎలా రిజిస్ట్రేషన్ చేసుకోవాలంటే…..
eDIP రిజిస్ట్రేషన్లు డిసెంబర్ 1వ తేదీ సాయంత్రం 5 గంటల వరకు అందుబాటులో ఉంటాయి.
వాట్సాప్ బాట్ ద్వారా ఎలక్ట్రానిక్ డిప్ రిజిస్ట్రేషన్ నమోదు చేసుకునే భక్తులు
ఏపీ గవర్నమెంట్ సర్వీసెస్ నెంః 9552300009 కు ముందుగా గోవిందా లేదా హాయ్ అని మెసేజ్ చేయాలి.
అనంతరం ఇంగ్లీష్, తెలుగు భాషలను సెలక్ట్ చేసుకోవాలి. ఇంగ్లీష్ కోసం EN, తెలుగు కోసం TE అని రిప్లై ఇవ్వాలి.
మీరు ఎంచుకున్న భాషలో సర్వీసెస్ విండో కనిపిస్తుంది. ఆ సర్వీసెస్ విండోను ఓపెన్ చేసుకుని టీటీడీ టెంపుల్ సర్వీసెస్ ను ఎంపిక చేసుకోవాలి. తర్వాత టీటీడీ టెంపుల్ సర్వీసెస్ ఓపెన్ చేయగానే వైకుంఠ ద్వార దర్శనం (డిప్) రిజిస్ట్రేషన్ అనే ఆప్షన్ వస్తుంది. ఇక్కడ ఇంగ్లీష్, తెలుగు, తమిళ్, కన్నడ, హిందీ భాషలను ఎంపిక చేసుకుని కన్ఫర్మ్ చేయాలి. తర్వాత చిరునామా, పిన్ కోడ్ నమోదు చేయాలి.
అనంతరం దర్శనం కావాల్సిన ప్రయారిటీగా ఎంపిక చేసుకోవచ్చు. తర్వాత భక్తుల ఆధార్ కార్డులో ఉన్న విధంగా పేరు, వయస్సు, లింగం, ఆధార్ నంబర్, మొబైల్ నంబర్ నమోదు చేయాలి. ఆ తర్వాత వివరాలను సరి చూసుకుని SUBMIT చేయాల్సి ఉంటుంది. ఒకసారి నమోదు చేసిన పేర్లను మార్చడానికి వీలు పడదు.
ఆధార్ నంబర్, పిన్ కోడ్ ను తప్పుగా నమోదు చేస్తే మార్చుకోవడానికి అవకాశం ఉంటుంది. భక్తుల వివరాలు విజయవంతంగా SUBMIT చేయగానే ACKNOWLODGEMENT మెసేజ్ వస్తుంది. ఆ మెసేజ్ రిఫరెన్సు నెంబర్ గా పరిగణించడం జరుగుతుంది. మొబైల్ నెంబర్, ఆధార్ కార్డుకు ఒకసారి మాత్రమే రిజిస్ట్రేషన్ కు అవకాశం ఉంటుంది.
Leave a Reply