(హైదరాబాద్,న్యూస్ఇన్)
ఫ్లైఓవర్ పనుల దృశ్యా తాత్కాలిక ఆంక్షలు అమలు చేస్తున్నట్లు అధికారులు ప్రకటించారు.
ఉప్పల్ రింగ్ రోడ్డు వద్ద హన్మకొండ వైపు వెళ్ళే బస్సులు ఆగే బస్టాండ్ను నల్లచెరువు వద్ద ఏర్పాటు చేసిన తాత్కాలిక బస్టాండ్కు మార్చినట్లు అధికారుల వెల్లడించారు. బోడుప్పల్ వైపు నుండి వచ్చే వాహనాలు ఏషియన్ థియేటర్ వద్ద నుండి భగాయత్ లే-అవుట్ ద్వారా నాగోల్ చేరుకోవాలని సూచించారు.
సికింద్రాబాద్ నుండి వరంగల్ వైపు వెళ్లే భారీ వాహనాలు హబ్సిగూడ నుండి నాచారం ద్వారా చెంగిచర్ల చేరుకుని అక్కడి నుండి జాతీయ రహదారి చేరుకోవాలని, చిన్న వాహనాలు లిటిల్ ఫ్లవర్ స్కూల్ వెనుక నుండి రహదారికి చేరుకోవాలని సూచనలు చేశారు. నిత్యం అత్యంత రద్దీగా ఉండే ఉప్పల్ రింగ్ రోడ్డు వద్ద ట్రాఫిక్ ఆంక్షలు అమలు చేస్తుండడంతో…ఈ పరిస్థితి ఎన్ని రోజులు కొనసాగుతుందో అన్న ఆందోళన ప్రజల్లో వ్యక్తం అవుతోంది.
Leave a Reply