ఎండలు మండుతున్నాయి జాగ్రత్త……!

(హైదరాబాద్, న్యూస్ఇన్)

తెలుగు రాష్ట్రాల్లో ఎండలు మండిపోతున్నాయి. ఆంధ్రప్రదేశ్ లో 48 డిగ్రీలకు పైగా ఉష్ణోగ్రతలు రికార్డు స్థాయిలో నమోదు అయ్యాయి. తెలంగాణలో కూడా దాదాపు 47 డిగ్రీల వరకు ఉష్ణోగ్రతలు వెళుతున్నాయి.ఈ పరిస్థితుల్లో ప్రభుత్వాలు కూడా ప్రజలను అప్రమత్తం చేస్తున్నాయి. గత రెండు రోజుల్లోనే వడదెబ్బకు చెందిన వారి సంఖ్య గణనీయంగా పెరిగింది. ఒక్కరోజులోనే తెలంగాణలో 11 మంది వడదెబ్బతో మృతి చెందారు. ఈ పరిస్థితుల్లో వేసవి ప్రభావం మనపై పడకుండా ఉండాలంటే కొన్ని జాగ్రత్తలు పాటించడం తప్పనిసరి. ఉదయం 11 గంటల నుంచి సాయంత్రం నాలుగు గంటల వరకు అత్యవసరమైతే తప్ప బయటకు రావద్దని వైద్యుడు సూచిస్తున్నారు. తీవ్రమైన ఎండలతో వడదెబ్బతో ఒక్కసారిగా కూలిపోతున్నాం సంఘటనలు మనం చూస్తూనే ఉన్నాం.

ఈ సమయంలో మనల్ని మనం కాపాడుకోవడానికి కొన్ని సూచనలు పాటించి వేసవి నుంచి రక్షణ పొందండి..

మీ శరీరంలో ఈ మార్పులు కనిపిస్తే వెంటనే అప్రమత్తం అవ్వండి…

కండరాల తిమ్మిర్లు : ఒంట్లో సోడియం, ఎలక్ట్రోలైట్లు తగ్గినప్పుడు నొప్పితో కూడిన తిమ్మిర్లు వస్తాయి.

తలనొప్పి & అలసట: నీటి శాతం తగ్గితే మెదడు, గుండెపై ఒత్తిడి పెరిగి విపరీతమైన నీరసం వస్తుంది.
ముదురు రంగు మూత్రం: మూత్రం ముదురు పసుపు రంగులో ఉండి, వాసన వస్తుంటే అది తీవ్రమైన డీహైడ్రేషన్ సంకేతం.ఎండిన నోరు: పెదవులు ఆరిపోవడం, నాలుక తెల్లబడటం, శ్వాసలో దుర్వాసన రావడం.

ఆయుర్వేద పరిష్కారాలు…

కొబ్బరి నీళ్లు: ఒక గ్లాసు కొబ్బరి నీళ్లు తక్షణ శక్తిని ఇస్తాయి. ఇందులో ఉండే ఎలక్ట్రోలైట్లు శరీరానికి ప్రాణం పోస్తాయి.

మజ్జిగ/పెరుగు: పెరుగులో నల్ల ఉప్పు, వేయించిన జీలకర్ర పొడి కలిపి తీసుకోవడం వల్ల జీర్ణక్రియ బాగుంటుంది, ఒళ్లు చల్లబడుతుంది.

నిమ్మరసం: విటమిన్ సి పుష్కలంగా ఉండే నిమ్మరసంలో తేనె కలిపి తాగితే హైడ్రేటెడ్ గా ఉంటారు.

చెరకు రసం: ఇది శరీరానికి కావలసిన మెగ్నీషియం, పొటాషియం అందిస్తుంది. (రసాన్ని నీటితో పలచగా చేసి తాగండి).

తిప్పతీగ (గిలోయ్): ఇన్ఫెక్షన్ల నుండి రక్షణ పొందడానికి 2-3 స్పూన్ల గిలోయ్ జ్యూస్ నీటిలో కలిపి తీసుకోండి.

పుదీనా టీ: రోజంతా పుదీనా నీరు తాగడం వల్ల కోల్పోయిన ద్రవాలు తిరిగి చేరుతాయి.

ఎండ ప్రభావంతో విరేచనాలు
24 గంటల్లో 10 కంటే ఎక్కువ సార్లు అవ్వడం, మలంలో రక్తం రావడం లేదా తీవ్రమైన జ్వరం ఉంటే వెంటనే డాక్టర్‌ను సంప్రదించండి.

వడదెబ్బ కు గురైనట్లు ఏమాత్రం అనుమానం వచ్చినా…
ORS (ఓ.ఆర్.ఎస్) ప్రపంచ ఆరోగ్య సంస్థ (WHO) ఆమోదించిన ORS ప్యాకెట్ నీటిని తాగడం అత్యంత ముఖ్యం.

ఇది ఇంట్లో లేకపోతే, ఒక లీటర్ నీటిలో 6 చెంచాల చక్కెర, అర చెంచా ఉప్పు కలిపి తయారుచేసుకోవచ్చు.
మెత్తని ఆహారం (BRAT Diet): అరటిపండు (Banana), అన్నం (Rice), ఆపిల్ సాస్ (Apple Sauce), మరియు టోస్ట్ (Toast) వంటి తేలికపాటి ఆహారం తీసుకోవాలి.

మజ్జిగ…..పలచని మజ్జిగలో కొంచెం ఉప్పు, వాము లేదా వేయించిన జీలకర్ర పొడి కలిపి తాగాలి. మంచి బ్యాక్టీరియాను పెంచుతుంది.

దానిమ్మ రసం….విరేచనాలు అదుపులోకి రావడానికి దానిమ్మ రసం లేదా దానిమ్మ పిందెల కషాయం ఆయుర్వేదంలో అద్భుతంగా పనిచేస్తుంది.

వేసవిలో ఆరోగ్యం పట్ల నిర్లక్ష్యం వద్దు. తగినంత నీరు తాగుతూ సురక్షితంగా ఉండండి. మేము ఇస్తున్న సూచనలు మీ అవగాహన కొరకు మాత్రమే గమనించగలరు.

Record temperatures, Telugu States, AP highest above 48, Telangana highest around 47, another two three days same situation, Govt alert,imd alert heat waves, Summer precautions, from Ayurveda,