కోతులను తరమేస్తానన్న హామీ…చింపాజీ వేషం
(హైదరాబాద్,న్యూస్ఇన్)
పంచాయతీ ఎన్నికల్లో విజయం కోసం ఎంతో మంది అభ్యర్థులు గ్రామానికి ఎన్నో హామీలు ఇస్తూ వస్తారు…ఎన్నికల తరువాత ఆ హామీలు వారి పరిధిలో ఉంటే పూర్తి చేయడం లేదంటే చేతులు ఎత్తేయడం సహజంగా మనంచూస్తూ ఉంటాం….కానీ పంచాయతీ ఎన్నికలంటే గ్రామ స్థాయిలో గ్రామ ప్రజల మద్దతు పూర్తి స్థాయిలో కూడ గడితేనే విజయం సాధించడం సాధ్యం అవుంతుంది. ఇలా ఓ వ్యక్తి సర్పంచ్ గా పోటీ చేసిన సమయంలో గ్రామస్తులంతా కోతుల బెడద నివారించాలన్న డిమాండ్ వినిపించడంతో ఆ అభ్యర్థి అంగీకరించారు. గ్రామస్తులంతా ఆ అభ్యర్థికి మద్దతు ఇవ్వడంతో ఎన్నికల్లో సర్పంచ్ గా విజయం దక్కించుకున్నారు.
ఇక కోతుల బెడద నివారణకోసం బయటిప్రాంతాల నుంచి ఇతరులను రప్పించి ఆకోతులను తీసుకెళ్లే లాంటి చర్యలు చేపట్టడం రొటీన్ గా జరుగుతోంది. ఇక్కడ సర్పంచ్ గా గెలిచిన అభ్యర్థి మాత్రం కోతుల పని పట్టేందుకు తానే స్వయంగా రంగంలోకి దిగారు. చింపాజీ వేషం వేసి కోతులు ఎక్కడుంటే అక్కడికి వెళుతుండడంతో కోతులు అక్కడి నుంచి పరారవుతున్నాయి. ఈ సంఘటన నిర్మల్ జిల్లా, కడెం మండలం, లింగాపూర్ నూతన సర్పంచ్ రంజిత్ కుమార్ గ్రామంలో కోతుల బాధ నుండి ప్రజలను తప్పించడానికి చింపాంజీ వేషం వేసి స్థానికులను ఆకట్టుకున్నారు. సర్పంచ్ వినూత్నంగా కోతులను తరమడానికి తానే స్వయంగా చింపాంజీ వేషం వేసి గ్రామంలోని పలు వీధుల్లో తిరుగుతూ కోతులను పరుగెత్తేలా చేశారు. ఏదేమైనా గ్రామ సర్పంచ్ స్వయంగా చింపాంజీ వేషం వేసి కోతుల బాధ నుండి ప్రజలను దూరం చేయడానికి ప్రయత్నించడాన్ని పలువురు అభినందిస్తున్నారు. అయితే ఎన్నికల్లో ఇచ్చిన హామీ కోసం వేషం వేసి ప్రజలకు రంజీత్ మరింత చేరువయ్యారని ఆ గ్రామ ప్రజలు అంటున్నారు.
Leave a Reply