IRS Vs IFS – కుక్క పంచాయతీ…..!

(హైద‌రాబాద్,న్యూస్ఇన్‌)

ఉన్న‌తాధికారుల మ‌ధ్య పెంపుడు కుక్క పంచాయ‌తీ పోలీస్ స్టేష‌న్ వ‌ర‌కు చేరుకుంది.విన‌డానికి ఆశ్చ‌ర్యంగా ఉన్న ఇది నిజం. హైద‌రాబాద్ లో చోటు చేసుకున్న ఈ ఘ‌ట‌న చ‌ర్చ‌నీయంశంగా మారుతోంది.గ‌త కొన్ని రోజులుగా ఈ అధికారుల మ‌ధ్య జ‌రుగుతున్న వివాదం ఇప్పుడు పోలీస్ స్టేష‌న్ కు చేరుకుంది. ఒకరిపై ఒక‌రు ఫిర్యాదు చేసుకునే దాకా ఈ ప‌రిస్థితి వెళ్లింది. పోలీసులు తెలిపిన వివ‌రాల ప్ర‌కానం

బంజారాహిల్స్ రోడ్ నంబర్ 10లోని ఐఏఎస్–ఐపీఎస్ క్వార్టర్స్‌లో, నితికా సింగ్ అనే మహిళా ఐఆర్ఎస్ అధికారి పెంపుడు కుక్క, తన ఇంటి ముందు కాలకృత్యాలు తీర్చుకుందని ఆమె ఇంటికి వెళ్లి ఐఎఫ్ఎస్ అధికారి సుత‌న్ తీవ్ర అభ్యంత‌రం వ్య‌క్తం చేశారు. నితికా సింగ్ కుక్క తో తాము ఇబ్బందులు ఎదుర్కోవాల్సి వ‌స్తోంద‌ని నితికా సింగ్ ముందు ఆగ్ర‌హం వ్య‌క్తం చేశారు. మ‌హిళా ఉన్న‌తాధికారి ఐఎఫ్ ఎస్ అధికారి వ్య‌వ‌హ‌రించిన తీరుపై పోలీస్ స్టేష‌న్ మెట్లెక్కింది. సుత‌న్ త‌న ఇంటికి వ‌చ్చి పూల కుండీలు ధ్వంసం చేశార‌ని, త‌న సిబ్బందిని దూషించార‌ని ఆ మ‌హిళా అధికారి ఫిర్యాదు చేయ‌డంతో సుతన్‌పై BNS 75, 79, 324(4), 351(2), 352 సెక్షన్ల కింద పంజాగుట్ట పోలీసులు కేసు న‌మోదు చేశారు.