మ‌రికొద్ది రోజులు వ‌డ గాలులు -హెచ్చ‌రిక‌

(హైద‌రాబాద్,న్యూస్ఇన్‌)

తెలంగాణ రాష్ట్రంలో మ‌రికొన్ని రోజులు వ‌డ‌గాలుల ప్ర‌భావం ఉండే అవ‌కాశం ఉంద‌ని వాతావార‌ణ శాఖ హెచ్చ‌రిస్తోంది. రాబోయే 3 రోజుల వాతావ‌ర‌ణ అంచ‌నాను వేసింది. రాబోయే 2-3 రోజులలో నైరుతి రుతుపవనాలు ఆగ్నేయ అరేబియా సముద్రంలోని మరికొన్ని ప్రాంతాలు, కొమరిన్ ప్రాంతం, నైరుతి మరియు ఆగ్నేయ బంగాళాఖాతం, అండమాన్ సముద్రంలోని మిగిలిన భాగాలు మరియు తూర్పు-మధ్య బంగాళాఖాతంలోని మరికొన్ని ప్రాంతాలలోకి ముందుకు సాగడానికి పరిస్థితులు అనుకూలంగా ఉన్నాయని వాతావ‌ర‌ణ శాఖాధికారులు చెబుతున్నారు. ఉత్తర దక్షిణ ద్రోణి ఈరోజు కూడా దక్షిణ బీహార్ పరిసర ప్రాంతాల నుండి జార్ఖండ్ ఒడిస్సా మీదుగా ఉత్తర కోస్తా ఆంధ్ర తీరం వరకు సగటు సముద్రమట్టం నుండి 1.5 కి.మీ ఎత్తులో కొనసాగుతోంది.

వాతావరణ సూచన…..

ఈ రోజు రేపు మరియు ఎల్లుండి రాష్ట్రంలోని కొన్ని జిల్లాల్లో తేలికపాటి నుండి మోస్తారు వర్షాలు అక్కడక్కడ కురిసే అవకాశం ఉందని వెల్ల‌డించింది. రానున్న మూడు రోజులలో గరిష్ట ఉష్ణోగ్రతలు ఇంచుమించు ఇదే స్థాయిలో కొనసాగే అవకాశం ఉంది.

వ‌డ‌గాలుల హెచ్చరికలు…….

రాష్ట్రంలోని కొన్ని ఉత్తర, తూర్పు జిల్లాలలో తీవ్రమైన వడగాల్పులు వీచే అవకాశం ఉందని హెచ్చ‌రిస్తోంది.
ఎల్లుండి రాష్ట్రంలోని కొన్ని తూర్పు మరియు ఉత్తర జిల్లాల్లో వడగాల్పులు వీచే అవకాశం ఉందని అప్ర‌మ‌త్తం చేస్తోంది. ఈరోజు, రేపు మరియు ఎల్లుండి రాష్ట్రంలోని కొన్ని జిల్లాలలో ఉరుములు మెరుపులు మరియు 40 నుండి 50 కి మీ వేగం కలిగిన ఈదురుగాలులతో కూడిన తేలికపాటి నుండి మోస్తారు వర్షాలు అక్కడక్కడ కురిసే అవకాశం ఉంది