చిన్నారులకు పోలీసుల వేసవి శిక్షణ శిబిరం

(హైద‌రాబాద్,న్యూస్ఇన్‌)

హైదరాబాద్ సిటీ పోలీస్ చేపట్టిన సిటిజన్ ఫ్రెండ్లీ పోలీసింగ్‌లో భాగంగా, చిన్నారుల్లో ట్రాఫిక్ నిబంధనలపై అవగాహన పెంచడానికి హైదరాబాద్ ట్రాఫిక్ పోలీస్ ఒక వినూత్న కార్యక్రమానికి శ్రీకారం చుట్టింది. హోండా మోటార్ సైకిల్స్ అండ్ స్కూటర్స్ ఇండియా ప్రైవేట్ లిమిటెడ్ సహకారంతో గోషామహల్‌లోని ట్రాఫిక్ ట్రైనింగ్ ఇన్‌స్టిట్యూట్‌లో చిన్నారుల కోసం ఉచిత వేసవి శిక్షణ శిబిరాన్ని నిర్వహిస్తున్నారు.

ఈ శిబిరాన్ని మే 11, 2026 నుండి మే 16, 2026 వరకు ప్రతిరోజూ ఉదయం 9:00 గంటల నుండి మధ్యాహ్నం 12:00 గంటల వరకు నిర్వహిస్తారు. ఈ శిక్షణలో భాగంగా చిన్నారులకు ట్రాఫిక్ అవగాహన మరియు రోడ్డు భద్రతతో పాటు ఆత్మరక్షణ , డ్యాన్స్ & మ్యూజిక్, పెయింటింగ్ & కార్టూనింగ్, చేతిరాత మెరుగుపరచుకోవడం, వ్యక్తిత్వ వికాసం మరియు ప్రాథమిక అత్యవసర వైద్య చికిత్స వంటి విభిన్న అంశాలపై నిపుణులచే శిక్షణ ఇవ్వబడుతుంది.

6వ తరగతి పూర్తి చేసిన విద్యార్థుల నుండి 10వ తరగతి చదువుతున్న బాలబాలికల వరకు అందరూ ఈ శిబిరంలో చేరడానికి అర్హులు. ఈ శిబిరానికి సంబంధించిన రిజిస్ట్రేషన్లు మే 3, 2026 నుండి ప్రారంభమవుతాయి. సీట్లు పరిమితంగా ఉన్నందున ఆసక్తి గల వారు వెంటనే సంప్రదించగలరు. ఈ కార్యక్రమానికి సంబంధించి మరిన్ని వివరాల కోసం గోషామహల్ ట్రాఫిక్ ట్రైనింగ్ ఇన్‌స్టిట్యూట్ ఇన్‌స్పెక్టర్ శ్రీ జి. హరీష్ (సెల్: 8712660655) , కార్యాలయ అసిస్టెంట్‌ను (నంబర్: 9848063345) సంప్రదించవచ్చు. శిబిరానికి వచ్చే చిన్నారులకు రవాణా సౌకర్యాన్ని తల్లిదండ్రులే స్వయంగా ఏర్పాటు చేసుకోవాల్సి ఉంటుందని పోలీసులు స్పష్టం చేశారు.