SIR గురించి ముఖ్య విషయాలు-గ‌మ‌నించండి

(హైద‌రాబాద్,న్యూస్ఇన్‌)

SIR ప్ర‌క్రియ‌పై ఎన్నో అనుమానాలు అంద‌రినీ వెంటాడుతున్నాయి. ఈ ప్ర‌క్రియ‌లో ఓటు కోల్పోతే ప్ర‌భుత్వం నుంచి అందే సంక్షేమ కార్య‌క్ర‌మాలు ఆగిపోతాయ‌న్న ఆందోళ‌న ఉంది. ఓట‌ర్ల జాబితాకు ప్ర‌భుత్వ ప‌థ‌కాల‌కు ఎలాంటి సంబంధం లేనే లేదని ఎన్నిక‌ల సంఘం స్ప‌ష్టం చేస్తోంది. ఓట‌ర్ల జాబితా స‌వ‌ర‌ణ ప్ర‌క్రియ మొద‌లు కావ‌డంతో ఓట‌ర్లు కూడా త‌మ ఓటు హ‌క్కును కాపాడకోవ‌డంపై దృష్టి సారించాల్సిన అవ‌స‌రం ఉంది.ఎన్యుమ‌రేట‌ర్లు ఇచ్చే ద‌ర‌ఖాస్తులలో గ‌తంలో ఓటరుగా ఉన్న వివ‌రాలతో ఉంటాయి. తాజా వివ‌రాల‌ను ఆ ద‌ర‌ఖాస్తులో భ‌ర్తీ చేసి వారికి ఇవ్వాలి. ఈ ద‌ర‌ఖాస్తును త‌ప్ప‌ని స‌రిగా భ‌ర్తీ చేసి ఇస్తేనే ఓట‌ర్ లిస్టులో పేరు న‌మోదు అవుతుంది. ఈ ఏడాది 18 ఏళ్లు పూర్త‌వుతున్న వారిని కొత్త ఓట‌ర్లుగా న‌మోదు చేసే అవ‌కాశం కూడా ఉంటుంది. ఓట‌ర్ల జాబితా స‌వ‌ర‌ణ ప్ర‌క్రియ లో భాగంగా మ్యాపింగ్ కాని ఓట‌ర్ల ను తొల‌గిస్తార‌న్న‌ది ప్ర‌చారం మాత్ర‌మే ఆ కుటుంబంలో కుటుంబ పెద్ద ఓటు మ్యాపింగ్ జ‌రిగినా ఓట‌ర్ల జాబితా నుంచి పేర్లు తొల‌గించే అవ‌కాశం లేదు. ఏదైనా చిన్న కార‌ణాల‌తో ఓట‌ర్ల జాబితా నుంచి పేరు తొల‌గించేందుకు అధికారులు ఏక‌ప‌క్షంగా నిర్ణ‌యం తీసుకునే అవ‌కాశం లేదు. ఓట‌ర్ల జాబితా స‌వ‌ర‌ణ సంద‌ర్భంగా ఓటు హ‌క్కు తొల‌గించాలనుకునే వారికి నోటీసులు ఇచ్చి ఆత‌రువాతే వారి వివ‌ర‌ణ‌పై సంతృప్తి చెంద‌క‌పోతేనే ఓట‌ర్ల జాబితా నుంచి పేరు తొల‌గించాల‌న్న ఆదేశాలున్నాయి.

90 శాతానికిపైగా ఓట‌ర్ల అభ్యంత‌రాల‌ను ప‌రిష్క‌రించుకునే అవ‌కాశం ఉంద‌ని ఎన్నికల సంఘం అధికారులు చెబుతున్నారు. దీనికి తోడు రాజ‌కీయ పార్టీల త‌ర‌పున నియ‌మించిన ఏజెంట్లు కూడా ఓట‌ర్ల జాబితా వివ‌రాలు సేక‌రించే ప‌నిలో ప‌డ్డారు. మ్యాపింగ్ కు ఓట‌ర్ లిస్టు నుంచి పేరు తొల‌గించేందుకు ఎలాంటి సంబంధం లేద‌ని ఎన్నిక‌ల సంఘం అధికారులు చెబుతున్నారు. ఎన్యూమ‌రేట‌ర్లు ఇచ్చే ద‌ర‌ఖాస్తులో ఓట‌రు వివ‌రాల‌తో సంబంధిత బీఎల్ ఓ స‌హా ఉన్న‌తాధికారుల ఫోన్ నంబ‌ర్లు అన్ని పొందు ప‌రుస్తున్నారు. ఆన్ లైన్లో మ్యాపింగ్ చేయాల‌నుకుంటే మాత్రం ఖ‌చ్చితంగా ఆధార్ నంబ‌ర్ ఆధారంగా వెరిఫికేష‌న్ పూర్తి చేసుకోవాల్సి ఉంటుంది. వితంతు మ‌హిళ‌లు, విడాకులు పొందిన మ‌హిళ‌లు, అనాధాల విష‌యంలో కూడా ప్ర‌త్యేకంగా ఎన్నిక‌ల సంఘం నిబంద‌న‌ల ఆధారంగా ఓట‌ర్ లిస్టుల్లో నుంచి పేర్త‌ను స‌వ‌రించుకునే అవ‌కాశాన్ని క‌ల్పిస్తుంది. అర్హులైన ఒక్క ఓట‌ర్ ను కూడా తొల‌గించ‌కుండా చూడ‌డంతో పాటు రెండు, మూడు చోట్ల ఓట‌ర్లుగా న‌మోదైన వారిని, మృతి చెందిన వారిని ఓట‌ర్ల జాబితా నుంచి తొల‌గించి త‌ప్పులు లేని ఓట‌ర్ల జాబితాను రూపొందించ‌డ‌మే ల‌క్ష్యంగా ఎన్నిక‌ల సంఘం అధికారులు ఓట‌ర్ల జాబితా స‌వ‌రించ‌న్నారు.

సమస్య ఏమిటి ?

మీరు పెళ్లి చేసుకున్న ఊరి 2002 ఓటర్ లిస్ట్‌లో మీ పేరు ఉండదు.
ప్రస్తుతం ఓటర్ మ్యాపింగ్ అంతా 2002 ఓటర్ లిస్ట్ ఆధారంగానే జరుగుతోంది. మీరు ఏం చేయాలి…? 2002 ఓటర్ లిస్ట్‌లో మీ అమ్మ లేదా నాన్న పేరు, సీరియల్ నంబర్ తెలుసుకోండి.
ఆ సీరియల్ నంబర్‌ను మీరు ఇప్పుడు ఉంటున్న ఊరిలోని BLO కి ఇవ్వండి.
BLO ఆ నంబర్‌తో మిమ్మల్ని ఇక్కడి ఓటర్ లిస్ట్‌లో మ్యాపింగ్ చేసి చేరుస్తారు. SIR చేయకపోతే ఏమవుతుంది…?
మీరు మీ ఓటు హక్కును కోల్పోతారు.

2002 లిస్ట్ ఎక్కడ దొరుకుతుంది….?


     2002 ఓటర్ లిస్ట్‌లో మీ అమ్మ లేదా నాన్న పేరు, సీరియల్ నంబర్ తెలుసుకోండి.
     ఆ సీరియల్ నంబర్‌ను మీరు ఇప్పుడు ఉంటున్న ఊరిలోని BLO కి ఇవ్వండి.
      BLO ఆ నంబర్‌తో మిమ్మల్ని ఇక్కడి ఓటర్ లిస్ట్‌లో మ్యాపింగ్ చేసి చేరుస్తారు.

గుర్తుంచుకోవాల్సిన విషయం….

ఓటు కోల్పోకుండా చూసుకోవడం మన అందరి బాధ్యత
అందరూ తప్పకుండా మ్యాపింగ్ చేయించుకోండి

మూడు రకాల మ్యాపింగ్‌లు

సెల్ఫ్ మ్యాపింగ్
యాడ్ ప్రోజెనీ
సెల్ఫ్ ప్రోజెనీ

సెల్ఫ్ మ్యాపింగ్…..

2002 SIR ఓటర్ లిస్ట్‌లో పేరు ఉండి, అదే విధంగా 2025 ఓటర్ లిస్ట్‌లో కూడా పేరు ఉన్నవారు Mapping చేయించుకోవాలి.

అలాంటి వారు BLO వద్దకు వెళ్లి “Self Mapping” చేయాలని చెప్పాలి

ఎన్యూమ‌రేష‌న్ ద‌ర‌ఖాస్తులు త‌ప్ప‌ని స‌రిగా నింపి ఇవ్వాలి

యాడ్ ప్రోజెనీ………….

2002 సమయంలో ఓటు హక్కు వయస్సు రాకపోవడం వల్ల పేరు లేకపోయినా, ఇప్పుడు 2025 ఓటర్ లిస్ట్‌లో పేరు ఉన్నవారికి ఈ మ్యాపింగ్ వర్తిస్తుంది.

అంటే మీ తాత, అమ్మమ్మ, నానమ్మ, నాన్న లేదా అమ్మ పేర్లలో ఏదైనా ఒకటి 2002 SIR లిస్ట్‌లో ఉంటే, మీరు తప్పనిసరిగా “Add Progeny” మ్యాపింగ్ చేయించుకోవాలి.

సెల్ఫ్ ప్రోజెనీ …………

2002లో మీకు 18 సంవత్సరాలు పూర్తయి ఉన్నా, ఏదైనా కారణం వల్ల 2002 SIR లిస్ట్‌లో మీ పేరు లేకపోతే —
మీ తాత, అమ్మమ్మ, నానమ్మ, నాన్న లేదా అమ్మ పేర్లలో ఏదైనా ఒకటి 2002 SIR లిస్ట్‌లో ఉంటే, మ్యాపింగ్ BLO ద్వారా చేయించుకోవాలి.2002 SIR లిస్ట్ చూసి, మీరు ఏ మ్యాపింగ్‌కు చెందుతారో నిర్ణయించుకోవాలి.

అలాగే 2002 SIR లిస్ట్‌లో మీ నాన్న / అమ్మ / తాత / అమ్మమ్మ / నానమ్మ పేరు ఉన్న పేజీ ప్రింట్ తీసుకుని, మీ ప్రస్తుత ఓటర్ IDతో కలిసి BLO వద్దకు తీసుకెళ్లాలి.ఎందుకంటే BLOలకు ప్రతి ఒక్కరికి తెలియకపోవచ్చు. చెప్పి చేయించుకోవడం ముఖ్యం.ఆన్ లైన్లో ఈ ప్ర‌క్రియ పూర్తి చేసుకోవాలంటే ఎన్నిక‌ల క‌మీష‌న్ వెబ్ సైట్ కు వెళ్లి ప్ర‌క్రియ‌ను పూర్తి చేసుకోవాలి