టీటీడీ బ్రేక్ ద‌ర్శ‌నాలు ర‌ద్దు తేదీలివే….!

(తిరుమ‌ల‌,న్యూస్ఇన్‌)

జూలై నుండి సెప్టెంబర్ 30 వరకు వివిధ పర్వదినాలు, ఉత్సవాల సందర్భంగా శ్రీ‌వారి ఆలయంలో వీఐపీ బ్రేక్ దర్శనాలు రద్దు చేస్తూ టీటీడీ నిర్ణ‌యం తీసుకుంది. భ‌క్తులు ఆయా తేదీల‌ను గ‌మ‌నించి బ్రేక్ ద‌ర్శ‌నాల ఏర్పాట్లు చేసుకోవాల‌ని సూచించింది. జూలై 14 వ తేదీ నుంచి వివిధ కార్య‌క్ర‌మాలు తిరుమ‌ల దేవ‌స్థానం నిర్వ‌హిస్తోంది. అంత‌కంటే ఒక రోజు ముందుగా టీటీడీ బ్రేక్ ద‌ర్శ‌నాల‌కు సంబంధించి సిఫార‌సు లేఖ‌ల‌ను స్వీక‌రించ‌డం నిలిపివేయ‌నుంది. ప్రోటోకాల్ ప‌రిధిలో ఉన్న వారికి మాత్ర‌మే ఆ తేదీల్లో బ్రేక్ ద‌ర్శ‌నాల‌కు అనుమ‌తి ఉంటుంది.

బ్రేక్ ద‌ర్శ‌నాలు ర‌ద్దు చేసిన తేదీలు…..

జూలై 14 – కోయిల్ ఆళ్వార్ తిరుమంజనం
జూలై 17 – ఆణివార ఆస్థానం
జూలై 19 – శ్రీ ఆండవన్ ఆశ్రమ స్వామీజీకి పెద్ద మర్యాద
జూలై 29 – జీయర్ స్వాముల చాతుర్మాస సంకల్పం
ఆగస్టు 22 – పవిత్రోత్సవాల అంకురార్పణ
ఆగస్టు 24 – పవిత్రోత్సవాల రెండో రోజు పవిత్రాల సమర్పణ
సెప్టెంబర్ 8 – శ్రీ‌వారి బ్రహ్మోత్సవాల సందర్భంగా కోయిల్ ఆళ్వార్ తిరుమంజనం
సెప్టెంబర్ 14 – శ్రీ‌వారి బ్రహ్మోత్సవాల అంకురార్పణ
సెప్టెంబర్ 15 నుండి 23 వరకు – శ్రీ‌వారి బ్రహ్మోత్సవాలు