20 నుంచి యాద‌గిరి గుట్ట‌లో కార్తికోత్స‌వాలు

(న్యూస్ఇన్, యాద‌గిరి గుట్ట‌)

ఈ నెల 20వ తేదీ నుంచి మూడు రోజుల పాటు యాద‌గిరి గుట్ట‌లో కార్తికోత్స‌వాలు నిర్వ‌హించ‌నున్నారు.
శ్రీ లక్ష్మీనరసింహస్వామి దేవస్థానంలో20 నుండి 22 వ తేదీ వరకు నిర్వహించే ఉత్స‌వాల‌ పోస్టర్ ను జిల్లా కలెక్టర్ అనురాగ్ జయంతి, యాదగిరిగుట్ట ఈ.ఓ భవని శంకర్,రెవెన్యూ అదనపు కలెక్టర్ వెంకా రెడ్డి తో కలిసి కలెక్టరేట్ లో ఆవిష్కరించారు.

కార్తీకోత్సవం – 2026

యాదగిరిగుట్ట దేవస్థానం (వైటిడి) – శ్రీ లక్ష్మీనరసింహ స్వామి వారి దేవాలయంలో పవిత్రమైన కార్తీకమాసం 2026 సందర్భంగా భక్తి శ్రద్దలతో, ఆధ్యాత్మిక వైభవంతో కార్తీకోత్సవం 2026 ఘనంగా నిర్వహించుటకు గాను తేది.20.11.2026 నుండి 22.11.2026 వరకు మూడు రోజుల పాటు ఉత్స‌వాలు, సాంస్కృతిక కార్యక్రమాలు నిర్వహించనున్నారు.

కార్తీకమాసం యొక్క పవిత్రతను, ఆధ్యాత్మిక ప్రాముఖ్యతను గుర్తించి, భారతీయ సంస్కృతి- వారసత్వాన్ని మరియు సంప్రదాయ ప్రదర్శన కళలను పరిరక్షించి, ప్రోత్సహించాలనే ధృడ సంకల్పంతో యాదగిరిగుట్ట దేవస్థానం (వైటిడి) మొదటిసారిగా మూడు రోజుల సాంస్కృతిక ఆద్యాత్మిక మహోత్సవాన్ని కార్తికోత్సవం 2026 పేరుతో నిర్వహించడానికి సన్నధమైంది.

ఈ ఉత్సవాలలో ప్రఖ్యాత ధార్మిక పండితులు, ఆధ్యాత్మిక వక్తల ఆధ్యాత్మిక ప్రవచనాలు, మనోహరమైన శాస్త్రీయ నృత్య ప్రదర్శనలు, ప్రముఖ సంగీత విద్వాంసులు భక్తి సంగీత కచేరీలు, అలాగే ప్రసిద్ధ కళాకారులు ప్రదర్శించే వివిధ సంప్రదాయ సాంస్కృతిక కార్యక్రమాలు ఉంటాయి.భక్తులలో ఆధ్యాత్మిక చైతన్నాన్ని, భక్తిని పెంపొందించే దివ్య లక్ష్యంతో, మన సంస్కృతి యొక్క శాశ్వత వైభవాన్ని, భారతదేశ శాస్త్రీయ కళారూపాల వైభవాన్ని మరియు తెలంగాణ ప్రత్యేక సాంస్కృతిక వారసత్వాన్ని ప్రదర్శిస్తూ, ఈ పవిత్ర ఉత్సవాన్ని అత్యంత భక్తిశ్రద్ధలతో, వైభవంగా సంప్రదాయబద్ధంగా నిర్వహించడానికి దేవస్థానం విస్తృత ఏర్పాట్లు చేస్తాంది.

కార్యక్రమాల వివ‌రాలు…

తేది.20.11.2026 శుక్రవారం::
బ్రహ్మశ్రీ మాడుగుల నాగఫణి శర్మ ఆధ్యాత్మిక ప్రవచనం
సాయంత్రం గం.6.00ల నుండి గం.7.30ని.ల వరకు

శ్రీమతి తేలు విజయ | జానపద భక్తీ సంగీత కార్యక్రమం
రాత్రి గం.7.30ని.ల నుండి 9.00గం.ల వరకు

తేది:21.11.2026 శనివారం

ఆర్.పి.పట్నాయక్ ,శ్రీ నిహాల్, శ్రీమతి నిత్యసంతోషిని, శ్రీమతి గోపిక పూర్ణిమ,శ్రీమతి శ్రీనిధి శ్రీమతి స్వప్న (జర్నలిస్టు) ,వాద్య బృందం సహకారంతో నృత్య కార్యక్రమాలు పరంపర సంస్థ వారి దర్శకత్వంలో
సాయంత్రం గం.6.00ల నుండి రా 07.30 ని.ల వరకు.

తేది:22.11.2026 ఆదివారం

రుద్రాక్ష ఫౌండేషన్ వారిచే ఒడిస్సి నృత్య ప్రదర్శన
సా 6.00 గంటల నుండి రా,07.30 ని.ల వరకు

అభినేత్రి బృందం వారిచే తెలంగాణ దేవాలయాల ఇతివృత్తం పై నృత్య ప్రదర్శన:: రా.07.గంటల నుండి 08.00 గంటల వరకు కళాకృష్ణ బృందం పేరిణి /రుద్రాక్ష ఫౌండేషన్ వారిచే ఒడిస్సీ మరియు అభినేత్రం ఎ సెంబుల్ టెంపుల్స్ ఆఫ్ తెలంగాణ వారిచే నృత్యప్రదర్శన రాత్రి గం.8.00ల నుండి గం.9.00 వరకు

శ్రీ లక్ష్మీనరసింహ నామార్చన సహిత కోటి పుష్పార్చన

కార్తీక ఉత్స‌వాల్లో భాగంగా మొదటి రోజున ఏకాదశి పర్వదినం పురస్కరించుకొని శుక్రవారం, తేది.20.11.2026న దేవస్థానం ఆర్చక బృందంచే శ్రీ లక్ష్మీనరసింహ నామార్చన సహిత కోటి పుష్పార్చన శ్రీ లక్ష్మీనరసింహ స్వామి వారిని దివ్య నామాలతో స్తుతిస్తూ, కోటి పుష్పాలతో అర్పించే పూజ) నిర్వహించబడును. ఇట్టి కార్యక్రమం ఉదయం 7.00గం.ల నుండి మద్యాహ్నం 12.0గం.ల వరకు జరుగును.